Posts

Showing posts from October, 2011

No Pengnak Sii

Image
Sihmanhsehlaw Bawipa aa bochanmi cu thazang thar an la. Mupi bangin an zuang lai; an tlik tikah an baa lai lo, an kal tik zongah an tha a di lai lo. (Isaiah 40:31) Minung kip nih no lio bantuk in thazang ngeihtthan le vun le cuar hna i dawh tthan hi duh a si. Cucaah cun, an sii zuarmi a cawngia (thawngzamh) tu hna nih “kan sizuarmi na ei bak ahcun na no lio bantuk in thazang na ngei lai i na vun na cuar zong aa dawh tthan lai” tiin thawng an zamh (caw-ngia) tawn. Americaram hna ahcun no deuhnak sii le ai an cawknak man hi dollar Billion 20 kumkhat ah an hman ee, ti a si. Sii lei thiammi doctor te nih cun, sii ei ruangah an no tthan, timi hi cu tette piah awk a har lai, an ti ve hoi. Mahbelte cu,Pathian bia nihcun hitihin bia a kan kamh: “A no mi hmanh kha an tha a der tawn i tlangval hmanh khan an tha a ba kho. Sihmanhsehlaw Bawipa aa bochanmi cu thazang thar an la. Mupi bangin an zuang lai; an tlik tikah an baa lai lo” a ti. Hi thil hi mino ca he kum upa ca he a si dih i, Bawipa aa boc…

Nunnak Bia Khiah

Image
A ka lehnak cu, “Ka vel cu na caah a za ko, zei cah tiah ka thawnnak cu dertnawmnak ah hin a lang,” ti a si. Cu caah cun Khrih thawnnak nih a ka huphenh ti kha ka hngalhnak hnga, ka derthawmnak ah hin lunglawm tein kaa porthlaw cang. 2 Korin. 12: 9 Kan Bawipa Jesuh cu kam rum, kan fim, kan ngei, kan thiam kan sang, kan ding kan fel lio caan ah si loin kan sual kan palh, kan san tlai lo caan le kan derthawm bik lio caan theng te ah mi sual mi hna kan umnak volei ah hin a ra. Thiam san, rum ngeih, volei tlai chanhnak le porhlawt ruam kainak hna nih “vel ngeihnak an hlam khawh lo i an herh lo. Sihmansehlaw minung kan derthawmnak le kan san tlai lonak hna ah Pathian vel ngeihnak hmual a lang i thawnnak a um. Isaac nih fau Esau cu: ka tar cang i ka thizat cang caah rawl thaw bik in thluahchuah rak ka hal cang a rak ti mi bia cu, fau le fahniang hna nak in an nu nih a rak fiang deuh caah fahniang sinah a nu nih tha tein ruahnak a pek ning tein fanau nih a pa a va fuh hmasa. A pa nih na hmul c…

Immanuel: Pathian Kan Sinah A Um

Image
(Mt.1:23; Joshua 1:7-9; Ps. 23:4) Hi bantuk in caantha ka hmuh caah lunglawmhnak tampi ka ngei. Caan a ka petu Upa hna cung ah kaa lawm i Pathian zong ka thangthat. Nihin ah chim kaa timhmi cu Yangon Lautu Baptist Church tlangtar a simi  "Pathian Kan sinah a um" ti hi a si lai. 1.Immanuel  Mt. 1:23 chungah kan hmuhmi cu Immanuel tiah Jesuh min saknak  a si. Hi Immanuel timi biafang hi Hebru holh in a rami a si i a sullam cu "Pathian kan sinah a um" ti hi a si. Immanuel timi biafang hi kan Baibal chungah hmun thum laawngah kan hmuh khawh: OT ah Isa.7:14: 8;8 le NT ah Mt.1:23 hi a si. Immanuel timi biafang hi kan Baibal chung hmun thum lawng a si ko nain cu biafang nih a sawh duhmi Pathian kan sinah a um, Pathian nih a kan um pi timi hi hmun tampi ah kan hmuh khawh. 2. OT Concept  Baibal ca hlun chung ah Pathian umpinak hi hmun tampi ah hmuh khawh a si nain Judah mi ruahnak ahcun Pathian cu vancung ah a um. Phundang in kan chim ahcun Pathian cu lahlah pi ah a um ti hi a…

Himnak Bawi

Image
9/11 (September 11) hi Osama bin Laden hruaimi Talibaan misual hna nih USA ram i World Trade Center le Pentagon zungpi attack an tuahni a si. Phundang in kan chimh ahcun Osma Bin Ladin le a hnu zultu hna nih America an vun thuat ni asi. Hi ruangah ngaihchiatnak le sunghnak tampi a um.

American hna ahua tuk mi Muslim zumhnak ahlei tuk i a zum mi Osma Benladin hruainak in New York khualipi i a um mi , dot 110 a sang mi World Trade Center cu anmah American hna vanlawng lila hmang in, September 11,2001 (9/11) ni ah zing lei 8:45am ah viokhat,9:03 ah ah voikhat attack an vun tuah hna. Nazi 5 chung bakah World Trade Center pi cu vutcaam ah aa cang i minung 3021 an thi. Zinglei 9:40a. m ah Washington DC i Ralkap zung (Pentagon) cu a dang vanzaam pakhat nih attack a tuah than hui i minung 100 lenglo an thi hui. Hi thil acang mi ruangah hin zei tluk fimthiamnak sang kan ngeih zongah huhimnak,hnangamnak taktak a um lo ti hi vawlei mi zapi nih an vun theih colh. USA hi valei cung va…

Khrihfaphung A That Hleinak

Image
Krifa biaknak le vawlei cung biaknak dang an idannak tampi lak ah abiapi bik mi pakhat cu krifa biaknak nih sualnak ado tu thlarau phung a ngeih i biaknak dang nih a ngeih lo hi a si. Vawleicung biaknak ngan deuh poh nih dawtnak le tthatnak tuah an ttanh ko nain krifa biaknak tluk in sualnak doh ah an cak lo. Biaknak dang i an ngeih mi cu upadi bantuk i zulhmi phung an si i achunglei ah tthawnnak an ngei lo.

Asia i siangbawi arak ttuan mi hna le Kawl ram i arak ttuan mi Adoniram Judson zong i an hmuh mi biatak cu, biaknak dang chung ah cun minung nunnak thlen khawhnak, remhkhawhnak, sersiam-khawhnak tthawnnak a um lo ti hi a si. Cuti i ti tik ah, krifa hi biaknak dang abia mi nak in kan ding khun tinak le krifa biaknak a ttha bik ti nak a si lo. Krifa nak i ading deuh mi le attha deuh mi minung, biaknak dang ah tam pi an um ve ko i biaknak dang hi krifa biaknak bantuk in an tthat nak a tam pi ve ko. Tahchunhnak ah Hindu biakna…

Kum zabu 21 ah Pathian Nih Khuaruahhar Hmelchunhnak Atuah Kho Ti Maw? (Can God still perform miracles in the 21th century when technology is so much advanced?)

Image
Kum 2011, May thla lioah Guardian i cattialthiam Ian Sample nih vawlei cung i a nung rihmi laki a fimbik tiah ruahmi Stephen Hawking sinah, " thihnak hi na tih maw?" tiah bia arak hal. Cu biahalnak aleh pah buin "afterlife timi thih hnu i nuntthannak hi nihchuak men asi" tiah arak leh. Kum 2010, September lio i bia arak chimhmi zongah "van le vawlei hi amah tein a cangmi asi, Pathian nih asermi asi lo" tiah arak chimhmi bia hi mi tampi nih an rak buaipi ngaingai. Vawlei cung fimthiamnak a san chin lengmang tikah, IT chan (Age of Information Technology) ah Jesuh nih khuaruahhar Hmelchunnak atuah rih ko hnga maw tihi biahalnak nganpi asi. ( Can God still perform miracles in the 21th century when technology is so much advanced?)
Jesuh a hmasabik hmelchunhnak atuahmi hi Kana Khua Nupi į¹¬hitnak Puai ah ti kha misurhang i acan ternak hi asi. (John 2:1-11).
1. Jesuh nih a hmasabik hmelchunhnak ziah hiti'n arak tuah?
        Vawleicung ah thil mintha…

Jesuh Jerusalem Sunparnak he a luhnak (Mark 11:1-10)

Image
Biahram domhnak
Jesuh Jerusalem a luhnak kong hi kan zoh ahcun, Jesuh nih Amah tein Bawi a sinak, Messiah a sinak le profet a sinak hna a langhternak a si. Cu caah a lut tikah sunparnak he a lut. Hihi kan zoh tikah a kan hmuhsakmi le a kan cawn piakmi thil hna tlawmpal  langhter kaa zuam lai. Jesuh Jerusalem a luhnak hi gospel pali ning in an ttial cio hna i Mark ttialmi hi ka langhter lai.
Mark 11:1-10 ( A tawinak in):1Jerusalem ah a kal i Bethanikhua kha an phan dengmang cang, cu tikah Jesuh nih a zultu pahnih kha a thlah hna i, 2"nan hmai khua ah khin va kal u law nan va luh ka te ah khin ahohmanh nih an i cit bal lomi laa fate, hri in aa hreng ko mi kha nan va hmuh lai. Va phoih u law hika ahhin ratpi u. 3Cun minih, ' zeicahdah mah khakha nan tuah?' tiah an in hal hna ahcun, 'kan Bawipa nih a herh i kan rak in pek than hna zau lai, ' tiah nan ti hna lai," a ti hna. 4Cucaah cun rak kal i inn pakhat innka ah la fate pakhat a rak i hreng ko kha an va hmuh takt…