Posts

Showing posts from January, 2014

Santlai Lomi Kha Santlaimi Ah

Image
Filemon 1:11 : Hlanah cun na caah santlaihnak zeihmanh a rak ngei taktak lo, sihmanhsehlaw atu cu nangmah ca he keimah ca he santlaimi a si cang (cang 12-14, 16, 18 rel chih)   Hi Filemon cakuat hi cakuat tawite a si nain nunzia dawh tampi a kan chimtu cakuat a si. Filemon cakuat hi Paul nih Colossa khua Khrihfa hruaitu mirum pakhat a simi Filemon sinah Rom thonginn in a kuatmi ca a si. A kuat chan cu dinfel loin a um i a sinin a zammi a salpa Onesimas kha ṭha tein cohlan ṭhan dingin a nawlnak a si. Bawi pakhat dirhmun in, Filemon nih a salpa Onesimas (a sinin a zammi) cohlan ṭhan ding hi a har taktakmi thil a si. Zeicahtiah, hi lio chan ah sal cu an bawile nih an duh ah an zuar khawh i an thah khawh. Filemon nih hin Onesimas hi zuarnak nawl le thahnak nawl a ngei. Cu tluk in nawl a ngeih ko nain zei harnak hmanh pek loin ngaihthiam ṭhan i cohlan ṭhan ding hi a fawi hrimhrim lomi thil a si. Nain, a ngaihthiam khawh i a cohlan khawh ruangah Onesimas cu Bishop tiang ah aa chuah ti

LUNGTHIN THAR LE THLARAU THAR (A New Heart and A New Spirit)

Image
Bible Cang Thim 1. Lungthin thar kan pek hna lai i thlarau thar nan chungah ka khumh lai. Nan pum chungin lung bantukin a hakmi nan lung kha ka lak lai i titsa bantukin a nemmi lung kha kan pek hna lai. 27 Ka thlarau cu nan chungah ka khumh lai i ka nawlbia he aa tlak in kan umter hna lai i ka phunglam zulh in nan nung lai. (Ezekiel 36:26-27) 2.       10 Maw Pathian, ka chungah hin, lungthin thar ka serpiak law, a thar le zumhtlak a simi ruahnak, ka chungah chia ko. 11 Na umnak hmun khan ka ṭhawl hlah, na thiang thlarau kha ka lakkanh hlah. 12 Na khamhnak chungin a chuakmi lawmhnak kha ka pe ṭhan law ka lungthin cu nangmah nawl zulh duhmi ah ser ko. (Salm 51:10-12) 3.      2 Hi vawlei kalning hin kal ve lengmang ti hlah u, sihmanhsehlaw chunglei in Pathian nih nan lungthin kha a dihumnak in in thleng hna seh. Cu tikah a ṭhami thil le Pathian nih a lawmhmi thil le a tlingmi thil kha nan hngalh khawh lai, cucu Pathian duhmi an si. (Rom. 12:2)   Biahmaiṭhi  2002 ah No

Thlacam Nun

Image
                         Voikhat cu nuva aa dawtukmi hna an i si i caan sau nawnpi an i chawn tilo. Nikhat cu a vapa hi khualtlawng ding asi i zingka 5 a.m. ah aa thawh hau. Catlap te a lak i  " Thaizing zingka 4 a.m ah rak ka tthang te " tiah a ttial i a nupi cu apek. A thaizing cu zingka 8  a.m lawngh aa tthang ai. Ziah ka nupi nu nih a ka tthangh hnga lo tiah a thinhung ngaingai. Ka va sik taktak cang lai tiah aa thawh hnik lio ah cabuai cung ah catlap te pakhat a hmuh i avan zoh cu hitin ca arak i ttial. " Khah tho cang, zing 4 a.m. asi cang hih " Pathian he kan i pehtlaihnak a that lo tikah, asiloah, thla kan cam lo tikah thlachuah ka hm uh dingmi tamtuk kan tlolh tawn. T hlacam cu a kan ngeitu Pathian he siaherh lungduh biaza p hai tti hi asi.   Kan i lawmhnak bia, ngaihchiatnak bia, kan tt ahnak aw, kan phunzaainak, kan biathli vialte Pathian hmai ah kan thinlung chungbia ti bang bung riangmang in kan phuannak hi asi. Phundang in chimh ahcun

Kan Put Ding Kan Vailamtah Cu ...

Image
Ahohmanh a vailam tahnak kha aa put i ka hnu in  aka zul lo mi cu ka mi si awk aa tlak lo . Matt 10 : 38   A vailam tahnak kha aa put i aka zul lo mi cu aka zultu asi kho lo. Luke 14 : 27 Rev. Timothy Pa Hrang Mahhi Pathian bia thiang asi . Amen Thlacam ta u sih ; Bawipa Pathian na bia thiang hi na duh ning in kan cohlan khawhnak hnga le kan i nun pi khawhnak lai na Thiangthlarau in kan bawmh hram ko .Bawi Khrih min in ; Amen . ZBC Hymn No : 279 ( Jesuh lawng nih maw vailam aput lai ? ) Khrih nih amah vailam tahnak cu aa put cang caah kan put ding vailam tahnak cu Khrihnih aa put cang mi si lo in kanmah vailam tah tung tu asi . Bawi Khrih nih arak putmi vailam tahnak cu ruat hmanh usi . Aral hna nih an duh ning te in an saih piakmi asi. An put ter tik ah achah tuk, asau tuk, arit tuk, ahrap tuk ti in kaa khat hmanh holh lo te in an tuah ning in aa put ko . An saih piakmi vailamtah cu a caah arit tuk ruang ah atuar lo i aapu kho bak lo. Amah

Ni An Liam I An thlum Chinchin!

Image
Kum khat chungah thla thla 12 (zarh 52)( ni  365) (suimilam 8760) kan ngei cio.  Population Reference Bureau's; World Population Data Sheet ah minute pakhat ah minung 108 an thi ti asi. A thimi hna lakah kan i tel rih lo. A dangdang thahchunnawk an tampi rih ko lai. Harsatnak le tukforhnak kan ton hmanhah Pathian nih luatnak lam, teinak lam, nun tha cawn chinchin khawhnak caan t ha a kan ser piak lengmang. Pathian a kan dawt nak cu a sunglawi hringhran ko. Nunnak hi Pathian lawnglawng nih a ngeihmi asi caah nun akan peh tertu Pathian sinah i lawmh ding hrihrim asi. Hla phanhthiam Stephen Schwartz nih Day by Day timi hla ah hitin hlabia arak ttial; Day by day, oh dear Lord, three things I pray :  To see thee more clearly, Love thee more dearly Follow thee more nearly . Ni fatin ka nunnak ah nangmah fiang deuhin kan hmuh khawh n akhnga, kan dawt chinchin khawh nakhnga, naih deuhin na hnu kan zulhkhawh nakhnga, thla ka cam Maw Bawipa. Nihin vawlei pumpi nih hmanmi