Posts

Showing posts from October, 2012

Na Chim Hlanah Ruat Hmasa (Think before You Speak)

Image
Rev. Dr. Si Kh ia " Chakcangmi CIL dolh than khawh a siti lobantuk in chimciami BIA zonglakthan khawh a siti lo,” tiahphungthluka um. Cu caah bia kan chimhlan ah ruat hmasa a herh. Kan Baibal Thiang zongah biachim sawhsawh awk a siloning hmun tam nawn ah kan hmuh. Jeim 3:1-18 ah LEI kong le BIA chim sawhsawh ding a silonak sau nawn in rel khawh a si. Phungthlukbia 18:21 ah kan chimning tein kan cungah thil a tlun lainak kong kan hmuh fawn. Phungthlukbia 18:21 hi version phun4 (Lai, Kawl, Mirangphun 2) ah zohh nik hna usih. “Lei nih hin thah khawhnak le nunh khawhnak thawnnak a ngei; cu caah na bia chimmi theitlai cu na co a herhlai” (Lai BaibalThiang © 1977)  လွ်ာသည္ အသက္ေသျခင္း ႏွင့္ရွင္ျခင္းကို အစိုးရ၏၊၊ လွ်ာကို ႏွစ္သက္ေသာ သူသည္လည္း၊ လွ်ာ၏အသီး ကို စားရ၏၊၊ (သုတၱံက်မ္း ၁၈: ၂၁)   “The tongue can bring death or life; those who love to talk will reap the consequences” New Living Translation (©2007) . “Lei (chimmibia) nihthihnakle nunnak a chuahpi, cu caa

A THIANGMI LUNGTHIN

Image
M atthai 5:8: L ungthin a thiang mi cu lunglawm mi nan va si dah! Pathian kha nan hmuh lai.  Saya Khar Ling Biahmaitthi Tutan ahhin Jesuh Khrih nih tlangcung cawnpiaknak (Luke nih cun “hmunrawn” ah a ti(Luke 6:17) ah a chimmi “lungthin thiannak” kong hi i ruahtti hna u sih ti ka duh. Zeicahtiah minung hi lungthin/thinlung loin nung khawh a si lo. Thingkung he kan tahchunh ahcun lungthin hi kan nunnak “mutto/muru” a si, tikhawh a si. Hi Baibal cacaang hi an chim lengmangmi le theih lengmang cangmi a si nain, a thar in ruat tthan hna u sih, ti ka duh. Judah mi Nih Thiannak An Cuanhning Judah mi nih hin thiannak hi lenglei tuahsernak–phunglam le nunphung mit (ritual and cultural eyes) rumro in an cuanh. Chunglei thiannak nakin lenglei thiannak ahkhan tei an rial deuh. Nuphung hngalh caan thianlonak, fahrin caan thianlonak, tirawl thiang le thiang lo, raithawinak saram thiang le thiang lo, zawtnak thiang le thiang lo, kut ttawlnak in i thianhnak tibantuk pawl hi tor le

Nunnak Caan Tawite Chungah Tuanbia Dawh Ttial hna usih

Image
Kan nunnak hi zeitluk in dah a tawi ti kha kan hngalhter law cu ticun kan fim deuh lai.   Salm 90: 12        Saya Samuel Biahmaithi               Aristotle, Greek philosopher pa nih cun, minung nunnak nih caan caan thum a ngei, a ti. Cu hna cu: “Zei mi dah a si, zei mi dah a rak si, ti le zei mi dah a si te lai, ti hi a si,” a ti. Hihi minung tuanbia kan timi cu a si. Phungchimtu dal 3 chungah kan hmuhmi cu, zeizong vialte nih caan an ngei cio hrincan a um bang in thih can a um, ttah can a um i nih can a um, ngaihchiat can a um i lam can a um……a ti. Chim duh bikmi cu Pathian sermi caan chung ah a tlawnglengmi minung nihcun harnak can kan ngei bantuk in lawmhnak ni zong kan ngei ve, ti kha a si. Kan i lawmhnak le kan harnak hna cu a hnu ah tuanbia ah an cang. 1. Minung nunnak hi a tawi tuk. Salm fung 90nak nih cun kan nunnak hi 70 le 80 hrawng lawng a si, cu hmanh ah cun retheihnak le harnak lawng kan ing, a ti. Cang 12nak ah a hun pehmi cu “ kan nunnak hi zeitluk

Jesuh kha fek tein i zoh chih u sih. (Learn from the Master)

Image
  “Hi tlukin vanrang zat in a tammi tehte bu nih khan kannih cu an kan kulh. Cu caah cun lam a kan dawntu thil paohpaoh le kan tlaihchan pengmi sualnak vialte kha hlaw hna u sih law kan hmai i chiahmi tlikzuamnak ah khan i zuam u sih. Jesuh kha fek tein i zoh chih u sih , amah cungah cun kan zumhnak cu a hram thawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawithutdan orhlei kamah khan a hung thu cang. A inmi thil kha ruat hna hmanh u, misual mi nih akha tluk in an huatnak a in peng ko kha ruat hmanh u. Cu caah cun lungdong in maw ngol sual lai u sih. ”   Hebru 12:1-3 Rev. Dr. Si Khia Mipa pakhat cu thli fak ngai in a hran ni ah vanlawng fate ( glider ) cit dingah aa thawh. Lungfim zinpan ahcun cu bantuk ni celngel ahcun glider icit ding a si lo. A duh tuk lung ah thlihran lak ahcun vanlawng fate cu a mongh i van ah a kai ko. Tlawmpal chung cu zei tinak um lo in a tluang. Nai