Nunnak Bia Khiah

A ka lehnak cu, “Ka vel cu na caah a za ko, zei cah tiah ka thawnnak cu dertnawmnak ah hin a lang,” ti a si. Cu caah cun Khrih thawnnak nih a ka huphenh ti kha ka hngalhnak hnga, ka derthawmnak ah hin lunglawm tein kaa porthlaw cang. 2 Korin. 12: 9
                                                                                                         
Rev. James Ram Mang
Kan Bawipa Jesuh cu kam rum, kan fim, kan ngei, kan thiam kan sang, kan ding kan fel lio caan ah si loin kan sual kan palh, kan san tlai lo caan le kan derthawm bik lio caan theng te ah mi sual mi hna kan umnak volei ah hin a ra. Thiam san, rum ngeih, volei tlai chanhnak le porhlawt ruam kainak hna nih “vel ngeihnak an hlam khawh lo i an herh lo. Sihmansehlaw minung kan derthawmnak le kan san tlai lonak hna ah Pathian vel ngeihnak hmual a lang i thawnnak a um.
Isaac nih fau Esau cu: ka tar cang i ka thizat cang caah rawl thaw bik in thluahchuah rak ka hal cang a rak ti mi bia cu, fau le fahniang hna nak in an nu nih a rak fiang deuh caah fahniang sinah a nu nih tha tein ruahnak a pek ning tein fanau nih a pa a va fuh hmasa. A pa nih na hmul cu fau a si i na aw bel fahniang a si tiah thil dik a rak hngalh ko nain a tlamtlin lo nak le a derthawmnak tampi he a nu nih a timh piak ning in a pa a va fuh hmasatu fahniang nih fau ro a rak co diam. A nu nih A KONG (CASE) tha tein rak tuah piak hlah sehlaw fahniang roco a rak um hnga lo.
Vel ngeihnak hmual cu thawnnak, thil ti khawhnak le rumnak hna ah si lo in kan derthawmnak le kan phu kan tawk lo bik caan hna ah hmual a ngei tiah Pathian bia ah kan hmuh hna. Hla phuahtu nih: “Kan phu kan tawk lo laksawng, nan sual lo tiah bia khiahnak a si” a rak ti.
Pathian nih nang le kei kan NUNNAK BIA KHIAHNAK a tuah kho dingah; Volei Khamhtu kan Bawipa Jesuh Khrih nih kan derthawmnak le kan sual kan palhnak KONG (CASES)  vialte cu a mah thisen hrai cungah “Kapa! Zei kan tuah an hngalh lo, an sualnak ngaih thiam ko hna” tiah rak khing i Pa hmai a rak chuahpi” caah Jehovah Pathian nih kan caah nan sual lo ti mi NUNNAK BIA KHIAHNAK a kan tuah piak.
-          Ni hin kan thinak le kan nunnak kongah kan kong lam ceih piaktu/chimh piaktu ho dah kan ngei?
-          Nitin kan nun khua saknak, kan tawn mi thil hna le ni tin kan derthawmnak hna ah kan kong chim piak/ceih piaktu le lam hruaitu kan ngei maw?
ngei ahcun kan lawmh maw? A lawmh zia hna kan thiam maw?
Pathian vel cu kan caah a za ko. Kan derthawmnak hna ah Pathian thawnnak hmual a ngei khun!

Comments

Popular posts from this blog

Zohchun Awktlak Khrihfa Innchungkhar

A Sunglawimi Thangthat Awktlak Thluachuak NU