Himnak Bawi


9/11 (September 11) hi Osama bin Laden hruaimi Talibaan misual hna nih USA ram i World Trade Center le Pentagon zungpi attack an tuahni a si. Phundang in kan chimh ahcun Osma Bin Ladin le a hnu zultu hna nih America an vun thuat ni asi. Hi ruangah ngaihchiatnak le sunghnak tampi a um.

American hna ahua tuk mi Muslim zumhnak ahlei tuk i a zum mi Osma Benladin hruainak in New York khualipi i a um mi , dot 110 a sang mi World Trade Center cu anmah American hna vanlawng lila hmang in, September 11,2001 (9/11) ni ah zing lei 8:45am ah viokhat,9:03 ah ah voikhat attack an vun tuah hna. Nazi 5 chung bakah World Trade Center pi cu vutcaam ah aa cang i minung 3021 an thi. Zinglei 9:40a. m ah Washington DC i Ralkap zung (Pentagon) cu a dang vanzaam pakhat nih attack a tuah than hui i minung 100 lenglo an thi hui. Hi thil acang mi ruangah hin zei tluk fimthiamnak sang kan ngeih zongah huhimnak,hnangamnak taktak a um lo ti hi vawlei mi zapi nih an vun theih colh. USA hi valei cung vanram a si tiah mi tampi nih an ruah mi ram a si.

American ram i Worl Trade center le Pentagon lawng a si rih hui lo. October 6 ,2001 ah Yemen tilawng i dinhnak (ship port) ah Meiti ( Yeenan) phor mi tilawng pakhat cu hi Talibaan misual nih ah kah rih hui, cun,October 12,2001 ah Indonesia ram Bali tikulh i a um mi Laamnak innpi pakhat ah bomh ah phauh hui. Hi thil hna ruangah in vawlei cung khui ka pauh ah thinpang thlalau in kan um cio.

Asi ah Hnangamnak lungdaihnak cu khui ka ah dah a um hnga?

911 he pehgtlai in zoh hnik tuah uh sih.

Pathian a zum mi kan caah cun Psalms 91:1 - 16 nih hi ti hin fiang tein a kan chimh.

"Himnak Hmuh duh ah Cung Nung Bik kha a fuhmi le Lianngan Bik huhphenhnak chung ah aa dormi nih cun, 2“ Bawipa, nangmah cu a ka chanhtu le a ka hupphengtu na si! Nangmah cu ka Pathian na si; nangmah cu kan bochan,” an ti lai. 3Hmuh lomi thil ṭihnung vialte le thihnak zawtnak vialte chungin him tein an huhphenh hrimhrim lai. 4A thla in an huh lai i him tein na um lai; zumhawktlak a sinak nih khan an huhphenh lai i him tein an umter lai. 5Zan i a chuakmi ṭihnung kha na ṭih hna lai lo, chun ah ruahpak loin a chuakmi cantiang zong kha na ṭih lai lo; 6mui lak i a ummi rai zong kha na ṭih lai lo i chun ceu i mi a that cuahmahmi ngal-eu zong kha na ṭih lai lo. 7Na pawng ah mi thong khat an thi ko lai, na velchum ah thong hra zong an thi ko lai, sihmanhsehlaw nang cu zeihmanh nih an tawng lai lo. 8Miṭhalo cu zeitindah dantatnak a in kha na zoh lai i na hmuh lai. 9 Bawipa cu chanhtu ah naa ser i Cungnung Bik cu hupphengtu ah naa ser caah 10harnak zeihmanh nih an tlunhnawh kho lai lo i vanchiatnak zeihmanh na inn a phan lai lo. 11Na kalnak kip i nangmah zohkhenhtu dingah Pathian nih a vancungmi kha a chiah hna lai. 12An kut in an in dawmh lai i lung ah na ke kha naa khawng lai lo. 13Chiandeih le rul kha na lamh hna lai, chiandeih ṭih nungnung le rul sivai ṭhawngṭhawng kha na lamh chih len hna lai. 14Pathian nih, “A ka dawmi cu ka khamh hna lai i a ka hngalmi cu ka huhphenh hna lai. 15An ka auh tikah ka leh hna lai i harnak an in tikah ka umpi hna lai. Ka chuah hna lai i ka upat hna lai. 16Laksawng ah nun sau ka pek hna lai i ka khamh hrimhrim hna lai,” a ti.

Kan Pathain cu Cung Nungbik ( The Most Highest), Liannganbik (Almighty God), kan huhphennak (Refuge) a kan chanhtu (fortrees) a si.

Nunnak tilet sangpi in a thawh lioah kan Pathian cu Cung Nungbik asi i kan hnangamnak zong asi;  A liannganbik asi kan himnak lungpi asi.  Kan thinlung aa dinh umnak le kan huhphennak zong asi fawn. Nunnak thlitu fakpi in a hran lioah kan Pathian cu kan dornak a si.

Kan miphun a kan daw tu Cung Khuazing Bawi nih kan miphun a daw tu nangmah hrimhrim na nunnak ah hngangam lungdaihnak in pe hram ko seh tiah thla kan cam piak.

Comments

Post a Comment

Popular posts from this blog

Cawntlak Caleb Lungput

Image
Moses nih a miphun hna he  Kanaan an va luh hlan ah Kanaan ram va ngiatthlai awkah mi thlah hna lakah adang nih lungdongh awk bia lawngte an chim nain, Caleb nih cun,  “ Khulrang in hung kal u sih law, hung umhnawh u sih; zeitintiah ṭha tein kan tei khawh ko lai ,”   tiah zumhnak he bia a chim. An va hmuhmi Kanaan ram cu  cawhnuk le khuaihliti in a luangmi ram a si.  Isreal mi hna cu Pathian nih Kanaan ram hi a pek ciami ram asi  Nambar 13:1.   f A pekcia komi ram kha zumhnak le luhkhawh ding asi ko ti ruat cuca loin ralchiatnak he mi tampi nih bia an chim lio ah Caleb nih cun  Pathian nih a thimmi hna caah Pathian nih ram nuam ram tha a kan pek khawh ko tiah a zumh caah,  “Ngiatthlai awkah kan hung ṭolmi ram cu ram ṭha hringhran a si ko .  Bawipa  cu kan cungah aa lawmh ahcun hi ram chungah cun a kan luhpi lai i a kan pek lai, cawhnuk le khuaihliti in a luangmi ram a si ko." tiah a chim.  Nambar 14: 7 - 8  .   A donghnak ah Isreal mi nih Kanaan ram cu an co. Kan nunna
Read more

Zohchun Awktlak Khrihfa Innchungkhar

Image
 Chungkhar hi Pathian nih a sermi asi caah a tha.(Gen 2:22).   Pathian nih a sermi chungkhar ah Amah Pathian hi chungkhar lutlai asi awk asi. Pathian khuakhannak le Pathian duhnak, Pathian Bia nih a chimhning in siloin minung pumpak ruahnak le thiamnak le thil tikhawhnak i rinh menmen in cun chungkhar hi sak khawh asi lo. Bawipa nih inn cu a saklo ahcun, asatu hna riantuannak cu santlailo asi. (Psalm 127:1). Nan innchungkhar sining hi Bawipa pekin nan sakter lo asi ahcun zeitluk nan i zuam len zongah santlai lo asi ko lai. Khuasak tintuknak caah fak tuk in rian ṭ uan le tuan tein thawh i tlaipi ah ih lengmang hi santlailo a si, zeicahtiah Bawipa nih a dawtmi cu, an i hngilh karah,an herhmi kha a pek ko hna (Salm 127:2). Ziah annih chungkhar hi an tuan an tuahnak vialte ah khuaawng an tong hnga, ziah annih an fale hi nawl an ngai i, an thangcho hlei hnga? tiah kan ti tawnmi chungkhar an um. Khuaruahhar awk asilo. Bawipa kha an innchungkhar lutlai ah an chiah hna i chungkhar
Read more

Zumh Awktlak Nun

Image
Aa thawh i, ‘A tha, nangmah cu saltha na si. Thil hmete ah zumh awk tlak na si caah khua pahra uktu ah kan chiah lai’ ati. Luke 19:17 Dr. Pa Hnin A bawipa nih “saltha" tiah a kawh i khua pahra uktu ah a chiahnak a ruang: A bawi pa nih a khinh mi rian kha i pumpek in a tuan caah;   Phungthuak bia 12:24 Mi teima mi cu tuktu an si lai sihmanhselawh mi thathu cu an thathutnak nih mi sal ah a can ter hna lai. A bawipa nih a pek mi nawl kha tangtor te in a zulh caah; Phungthlukbia 18:12, Toidornak cu upatnak phaknak lam asi. A rian kha dinfelnak le zumh awk tlak te in a tuan caah; Phung 16:8, Dinlonak in hmu mi thil tampi nak cun dinnak in hmuh mi tlawmte a tha deuh.                 Joseh tuanbia (Genesis 37:12-36) hi kan theih tawn lengmang mi asi. Joseph cu a u le nih Egypt ram ah an zuar i, Potifar an ti mi bawi sin ah “Sinum” (servant) sinak in a va phan. Joseph cu Potifar nawlngaihnak tangah mah sining i hngalh but e in a thut dir i, a hmaikaa i a um mi rian p
Read more