Posts

Showing posts from September, 2013

Buainak le Daihnak (Conflicts and Peace)

Image
Mark 11:25: “… an cung i thinhunnak nan ngeihmi paoh kha, ngaithiam hna u, van cung nan Pa zong nih nan sualnak kha an ngaihthiam khawh ve hna nakhnga,” tiah a ti.  I Kor. 13:13: “A hmun zungzalmi thil pathum an um, cu hna cu zumhnak le ruahchannak le dawtnak an si, cu hna lak i a nganbik cu dawtnak a si ” September 21 cu Vawlei Cung Daihnak Ni (International Peace Day) ti a si bantukin nihin September 22 ni ah hin daihnak kong in thazaang lak hna u sih tiah kan sawm hna.   Hi thawngá¹­ha caah 2012 September thla ah chuahmi MIT Annual Magazine (cahmai 44-48) ah Dr. Hlaing Bwa nih a tialmi chung zohchihmi a si ti zong theihter hmasa kan duh hna.  Biahalnak le lehnak in vunt thawk tuah u sih. Zeiruangahdah daihnak kong chimh a herh? Buainak (conflict) a um ruangah. Zeiruangah daihnak ser a herh? Buainak kan duh lo ruangah. Zeiti lam in dah daihnak cu kan ser khawh lai? Zeiti lam in dah daihnak kan ser lai ti kan chim hlan ah vawlei cungah daihnak kan serdan phu

Biatak Nunnak - Luatnak Hram, Teinak Muru - Bawi Jesuh

Image
Kan nunnak lamtluan ah biatak hi aho pauh nih kan duh ciomi asi.  Kanmah kan i biatak khawh lo hmanhah midang aa biatak mi cu kan uar i kan upat, kan tihzah hna. Vawlei cung i a ummi biaknak vialte zong nih anmah hmuhmi lam cio in biatak cu an kawl cio ve. Asinain, Jesuh dah tilo aho dang hmanh nih, " Keimah hi lam le biatak le nunnak ka si " (Johan 14:6) a timi an umlo.       Minung a dingfelmi ahohmanh kan um lo ( Rom 3:10) . Kannih nih, sualnak kan ngei lo, kan ti ahcun kanmah le kanmah kan i hlen a si i kan chungah biatak a um lo. (1 John 1:8). Kan sualnak nih hin Pathian he a kan tthen (Isaiah 59:2) . Asinain Pathian nih cun zeitluk in dah a kan dawt kha hitihin a langhter: kannih cu misual kan si ko rih lioah hin Khrih cu kan caah a thi. Kannih cu Pathian ral kan rak si, sihmanhsehlaw a Fapa thihnak thawngin a hawi ah a kan ser cang. ( Rom 5: 8,10,11) . K annih cu Pathian nih vel akan ngeih hna caah akan khamh hna i khamhnak kan hmuh cu amah kan zumhna

ZEIDAH KA TUAHPIAK SEH TI NA DUH ?

Image
Cun Elisha nih amah cu, “Zeidah kan tuahpiak lai? Zedah na ngeih ka chim tuah tiah” a ti. Cun anih nih “Na salnu nih hin   inn chungah chiti um khat dah ti lo cu zei hmanh ka ngei lo,” tiah a ti (II Siangpahrang 4:2 ); Cun anih nih a thawh i, “a si ah cun amah cu zeidah kan tuah piak kun hnga?” tiah a ti (IISiangpahrang 4:14). Dawtmi nu le pa, U le nau hna tu caan ah hin zeidah na herh i, zeidah tuah piak na duh? Chambaunak le herhpang a tawngmi kan um hna maw? Hi Pathian bia hi rel law zeidah ka tuah lai i zeidah ka hmuh lai ti   na fiang ko lai. Lungretheihnak le ngaihchiatnak an   tonnak: Kan Bible kan relmi   4: 14 kan   zoh tikah Shunam minu hi a rum ngaimi a si. Asinain ava hi a tartuk cang nain fapa an ngei kholo. Fapa a ngei lomi hna khi an i lawmhnak a tling kho hnga maw? Thim pakhat te kan ngeih lo hmanh a pawitak in kan theih ahcun lawmhnak a tling kho hrim lai lo. An ning hna a zak thulh lai i, an hmai hna a chia lai.Sui le ngun chawva in aa hnemh zo

Van nakin a san deuhnak hmun ah Inn a ngeimi Pitarnu

Image
A zungzal in i lawm u, a zungzal in thlacam u, zei bantuk thil nan ton hmanh ah lunglawm in um u. Khrih Jesuh chung i nan nunning ah hin hitihin nung hna seh, tiah Pathian nih an duh hna. (I Thesalon 5: 16-18) Voikhat cu, Lamka khua, India ram ummi a siifak ngaimi pitarnu nih pastor pa a inn ah thlacam a sawm. Pastor pa a pek khawhmi cu meheh hnuk hraikhat le banhla pumkhat te a si. Pastor pa hi mirum asinain a piangthar mi asi caah a nunzia a ttha i, midang thatnak ding caah siaherhnak lungthin nganpi a ngei ngaingaimi asi fawn. "Ka Pi, keimah nih dakaw nangmah tukha na duhmi in dangh ding ka si, ka inn hna ah rawl-ei kan sawm ding asi deuh nain.." tiah ati buin pitar nu nih dawtnak he a pekmi banhla le meheh hnuk cu a dingei. Cu lio ah pitar nu bialehnak nih pastorpa cu a lau ter. Cu bia cu hitin asi. " Pastor pa, a rian na ttuanmi Pathian hi mi sawhsawh asilo. Cun, kei hi ka si a faak lo. Ka inn hi a chiatuk tiah na ruah ko lai, asinain ka caah c