Immanuel: Pathian Kan Sinah A Um
(Mt.1:23; Joshua 1:7-9; Ps. 23:4)
Hi bantuk in caantha ka hmuh caah lunglawmhnak tampi ka ngei. Caan a ka petu Upa hna cung ah kaa lawm i Pathian zong ka thangthat. Nihin ah chim kaa timhmi cu Yangon Lautu Baptist Church tlangtar a simi "Pathian Kan sinah a um" ti hi a si lai.
1.Immanuel
 |
| Pastor Samuel |
2. OT Concept
Baibal ca hlun chung ah Pathian umpinak hi hmun tampi ah hmuh khawh a si nain Judah mi ruahnak ahcun Pathian cu vancung ah a um. Phundang in kan chim ahcun Pathian cu lahlah pi ah a um ti hi a si. Cun zumhnak pakhat a ummi cu Pathian cu hmuh phung a si lo, Pathian kan hmuh ahcun kan thi lai, ti a si. Cu caah Moses sin ah Pathian a langh lio ah khan, Mei alh batuk in a si i Moses nih a timi cu ra ka naih ti hlah, ti kha a si.
Judah mi tuanbia kan zoh tikah Pathian ni a umpi hna nak a fiang ngai ko. Cun Pathian zongnih Joshua chung ahkhan,"Bawi pa na Pathian cu khuazei ka na kal hmanh ah na sin ah a um ko" ti a si ko nain an ruahnak ah Pathian lamhla ah a um khaan hlonh kho lo. Cun caah ah JESUH min Immanuel ti hi Pathian nih Israel mi a umpinak ,a dawtnak le a khamh lai nak hmelhchunnak a si.
Pathian kan Sinah a um, kan Miphun sinah a um : ti hi ka zumh i keimah sinah a um ti zong hi ka nun nih a fiang. Nangtah zeitin?
Kan lautu mi sinah a umnak: Kanmah lautumi hi Pathian hmangmi kan si ko tiah ka zumh. Pathian nih a kan hmang cun Pathian kan sinah a um caah a si. e.g. 1) Kan pale MIT ah Pathum an i tel khawh hi Pathian thluachuah ngai a si, ka ti.2) YLBC zong ka zoh i Pathian nih thlua a kan chuah chin leng mang ti ka hmuh. 3) Hmun dang um hna zong.
3. Pathian umpinak in a chuakmi
a. Ralthatnak: tihphannak chung in luatnak
Pathian ni a kan umpi kan ti tikah hin harnak chung zong akan um pi ko ti hi kan hngalh fiang a herh ngai. Mi tampi cu kan thluak nih a hngalh ko nain kan nun nih a hngalh lo.
Ps. ca tialtu nih cun "thihnak hawrkuangah kal hmanh ning law Bawipa zeihmanh ka tih lai lo, zeicahtiah nangmah nih na ka umpi ko" a ti. Cu ti a ti khawhnak cu Pathian umpinak kha a nunnak nih a teh caah a si.
b. Daihnak le hnangamnak: harnak chung ah hnangamnak
Mt.8: 23-27: Jesuh le a zultu hna Calilee rili ah lawng an i cit lio ah thlichia nih a denh ciammam hna tikah Jesuh cu aa hngilh lio a si caah an thin a phang ngai ngai. Cu tikah Jesuh an thangh i Jesuh nih thlichia le tilet kha nawl a pek hna i a dai. Cun an dihlak in an khuaruah a har dih.
-Tydale Commentary nih a ti mi cu, tilawng cu khrihfabu hmuhsaknak a si i thlichia cu cu i candongnak he aa pehtlaimi raltuknak (eschatological conflicts)a si, a ti. Cu caah ruah domh khawh a si mi cu tilawng cu ti chungah a um ahcun harnak tong khawh a si bang in Khrihfabu cu vawlei ah a umchung paoh cu harnak, hneksaknak nih a tlunh te lai ti cu a fiang. Cu bantuk harnak nih a kan phak ahkhan kan zumhnak cu a lang.
-Jesuh nih a zultu hna cu, "Zeicahdah cu ti lawmmam cu nan thin a phan? Nan hei ka bochan lo hrinhrandah" (Mt.8:26), a ti hna. Mk. 4: 40, Zeicahdah cu ti hrinhran cu nan thin a phan? Zeicahdah zumhnak nan ngei lo a ti hna. Cu nih a langtermi cu tih le phang in um hi Pathian i bochan lonak le zumh lonak a si. Cucah Zumhnak (faith) cu i nunning ah bochannak a langhnak le a chuahnak a si (A faith which is a practical trust, and which excludes anxiety).
Conclusion
Deutronomy . kan zoh ahcun, khua zeika na kal hmanh ah khua awng na pemhnak hnga awrh lei ah siseh keh lei ah siseh i mer hlah, Baibal kha na kaanih chuah tak hlah seh, a ti.Pathian nih a kan umpi tiah kan theih peng a herh. Cu kan theihnak nih khan Pathian umpinak i a ch uakmi hnangamnak, lawmhnak le daihnak hna cu akan umpitu Pathian sin cun kan hmuh lai.
Comments
Post a Comment