Kum zabu 21 ah Pathian Nih Khuaruahhar Hmelchunhnak Atuah Kho Ti Maw? (Can God still perform miracles in the 21th century when technology is so much advanced?)
Kum 2011, May thla lioah Guardian i cattialthiam Ian Sample nih vawlei cung i a nung rihmi laki a fimbik tiah ruahmi Stephen Hawking sinah, " thihnak hi na tih maw?" tiah bia arak hal. Cu biahalnak aleh pah buin "afterlife timi thih hnu i nuntthannak hi nihchuak men asi" tiah arak leh. Kum 2010, September lio i bia arak chimhmi zongah "van le vawlei hi amah tein a cangmi asi, Pathian nih asermi asi lo" tiah arak chimhmi bia hi mi tampi nih an rak buaipi ngaingai. Vawlei cung fimthiamnak a san chin lengmang tikah, IT chan (Age of Information Technology) ah Jesuh nih khuaruahhar Hmelchunnak atuah rih ko hnga maw tihi biahalnak nganpi asi. ( Can God still perform miracles in the 21th century when technology is so much advanced?)
Jesuh a hmasabik hmelchunhnak atuahmi hi Kana Khua Nupi Ṭhitnak Puai ah ti kha misurhang i acan ternak hi asi. (John 2:1-11).
1. Jesuh nih a hmasabik hmelchunhnak ziah hiti'n arak tuah?
Vawleicung ah thil minthang a phunphun le thiamnak a phunphun langhter an duh tikah mi minthang hna hmang in, mi tampi phanh khawhnak hmun minthang ah tuah phung asi. Cun, ni thupi deuh hi i thim arak si. Asinain Jesuh nih khuaruahhar hmelchunnak arak tuah hmasat mi hi Cana khua hmete ah asi i, monu le mopa zong cu mi minthang an si theng lo, mi sawhsawh an si. Biaknak hruaitu le mi minthang, hmun minthang, Jerusalem biakinn hna hi arak i thim theng lo. Sabbath ni le ni minthang ni theng zongah asi lo. " Zei tik caan pauh,khua zeika pauhah le zei bantuk minung sin hmanh ah thil lianngan ka tuah khawh ko" tihi Jesuh nih a langhter bikmi cu asi. Jesuh niih thil atuah tikah thlarau lei lawng siloin pumsa le ruahnak lei hrimhrim ah hrintthannak arak tuah hi asi. Phundang in kan chimh ahcun minung ruahnak le sining kha duhsa te le huamsam te in a thlen thluahmah hi asi. (Jesus is making a silent revolution). Cu asi caah, Pathian nih hin khuika pauh ah minung aho pauh hmangin hmelchunhnak hi atuah khawh peng ko. Nifa kan umnak le kan tonmi minung le thil zeipauh hna cungah kanmah lila hmang in a lianngannak hi a langh ter khawh ko. (For God, everywhere is holy enough for performing miracles). Shushi kan tuahnak, voksa kan tannak, strawberry dum i rian kan ttuannak, ca kan cawnnak, inn kan saknal ke adangdang kan um kan tuannak pauah ah Jesuh nih hmelchunnak a tuah khawh ko ti hi fiang tuk in a lang.
2. Jesuh nih ziah hmelchunnak arak tuah?
Jesuh hi mit-hlen thiamtu (wonder-worker- မ်က္လွည့္ဆရာ) asi lo, ဥဳံဖြ Pathian asi ballo. Jesuh nih hmelchunnak atuahmi hi mit-hlen thiamtu nih an tuah bantuk cun asi ballo. Minung ruahnak le hngalhnak nih kan phanh khawhlo tiang in a thukmi timhnak nganpi he a tuah lengmang. Minung kan ruahchannak a dongh dengmang tikah, kan sikhawhnak le kan thazaang nih a phanh khawh lo tik hna ah Pathian thil lianngan tuah khawhnak hi a lang tawn. Cana khua i nupi thitu mopa caah a nun chung i voikhat te sunglawi tukin a tuah dingmi puai thengmang ah, ningzah hmualpho dengdeng in a lung re a theih tuk lio caan ah Jesuh nih khuaruahhar thil lianngan atuah ko. Ti zong misurhang ah a can ter ko i, khua hmete Cana zong hi Jesuh nih hmelchunnak a tuahnak thawngin khua minthang ah a cang kho ko. Kan harsat caan, kan ngaihchiat lungkuai caan, "van ka zoh - a sang, lei ka zoh - a pit" tiah khuaruahhar vansang au in kan um ko lio caan zongah Jesuh nih kan nunnak ah thillianngan a tuah khawh rih ko. A thli te in kan mitthli tlak caan le, kan thil arih tuk caan, a zeipauh kan sungh cikcek caan hmanh ah Bawipa nih a kan siaherh rih ko. C.S. Lewis nih a chimhmi cu, " “God whispers to us in our pleasures, speaks to us in our conscience, but shouts in our pains." ti asi. Khrihfa biaknak cawnpiaknak lei ah mi minthang Tertullian nih, " Maw Pathian, kei cu ka tha a deer tuk caah kan thlah sual lengmang ko nain, nang nih cun na ka kaltaak ( na ka thlah) ballo caah ka hnangam" tiah thla arak cam ve.
Vawleicung ah thil minthang a phunphun le thiamnak a phunphun langhter an duh tikah mi minthang hna hmang in, mi tampi phanh khawhnak hmun minthang ah tuah phung asi. Cun, ni thupi deuh hi i thim arak si. Asinain Jesuh nih khuaruahhar hmelchunnak arak tuah hmasat mi hi Cana khua hmete ah asi i, monu le mopa zong cu mi minthang an si theng lo, mi sawhsawh an si. Biaknak hruaitu le mi minthang, hmun minthang, Jerusalem biakinn hna hi arak i thim theng lo. Sabbath ni le ni minthang ni theng zongah asi lo. " Zei tik caan pauh,khua zeika pauhah le zei bantuk minung sin hmanh ah thil lianngan ka tuah khawh ko" tihi Jesuh nih a langhter bikmi cu asi. Jesuh niih thil atuah tikah thlarau lei lawng siloin pumsa le ruahnak lei hrimhrim ah hrintthannak arak tuah hi asi. Phundang in kan chimh ahcun minung ruahnak le sining kha duhsa te le huamsam te in a thlen thluahmah hi asi. (Jesus is making a silent revolution). Cu asi caah, Pathian nih hin khuika pauh ah minung aho pauh hmangin hmelchunhnak hi atuah khawh peng ko. Nifa kan umnak le kan tonmi minung le thil zeipauh hna cungah kanmah lila hmang in a lianngannak hi a langh ter khawh ko. (For God, everywhere is holy enough for performing miracles). Shushi kan tuahnak, voksa kan tannak, strawberry dum i rian kan ttuannak, ca kan cawnnak, inn kan saknal ke adangdang kan um kan tuannak pauah ah Jesuh nih hmelchunnak a tuah khawh ko ti hi fiang tuk in a lang.
2. Jesuh nih ziah hmelchunnak arak tuah?
Jesuh hi mit-hlen thiamtu (wonder-worker- မ်က္လွည့္ဆရာ) asi lo, ဥဳံဖြ Pathian asi ballo. Jesuh nih hmelchunnak atuahmi hi mit-hlen thiamtu nih an tuah bantuk cun asi ballo. Minung ruahnak le hngalhnak nih kan phanh khawhlo tiang in a thukmi timhnak nganpi he a tuah lengmang. Minung kan ruahchannak a dongh dengmang tikah, kan sikhawhnak le kan thazaang nih a phanh khawh lo tik hna ah Pathian thil lianngan tuah khawhnak hi a lang tawn. Cana khua i nupi thitu mopa caah a nun chung i voikhat te sunglawi tukin a tuah dingmi puai thengmang ah, ningzah hmualpho dengdeng in a lung re a theih tuk lio caan ah Jesuh nih khuaruahhar thil lianngan atuah ko. Ti zong misurhang ah a can ter ko i, khua hmete Cana zong hi Jesuh nih hmelchunnak a tuahnak thawngin khua minthang ah a cang kho ko. Kan harsat caan, kan ngaihchiat lungkuai caan, "van ka zoh - a sang, lei ka zoh - a pit" tiah khuaruahhar vansang au in kan um ko lio caan zongah Jesuh nih kan nunnak ah thillianngan a tuah khawh rih ko. A thli te in kan mitthli tlak caan le, kan thil arih tuk caan, a zeipauh kan sungh cikcek caan hmanh ah Bawipa nih a kan siaherh rih ko. C.S. Lewis nih a chimhmi cu, " “God whispers to us in our pleasures, speaks to us in our conscience, but shouts in our pains." ti asi. Khrihfa biaknak cawnpiaknak lei ah mi minthang Tertullian nih, " Maw Pathian, kei cu ka tha a deer tuk caah kan thlah sual lengmang ko nain, nang nih cun na ka kaltaak ( na ka thlah) ballo caah ka hnangam" tiah thla arak cam ve.
3. Jesuh nih zeitindah hmelchunnak a tuah?
Pathian nih hmelchunnak a tuah tikah kanmah minung hman a kan duh. Pathian + minung = hmelchunnak ti'n asi hnga. Pathian nih mizaw dam ter aduh ah cun sibawi hna hman aduh. Chinram le kan chuah kehnak khua cio a thancho khawh nakdingah Chinmi hman a kan duh. Thlachuahnak hi thli lakin arak tla sawhmi thil asi ballo. Pathian nih hin kanmah he rianttuan ti a duh peng, kanmah he i hawikomh a duh peng. Amah te zong in thil a tuah khawh tuk ko. Kanmah thengmang he ttuantti a duhmi cu minung kan i miaknak bik asi. Atu lio ah kan umnak ram i Prime Minister pa nih "nangmah he rianttuanti ka duh" rak kan ti cio hna sehlaw kan i lawmh lai ning! Vawlei Ralpi 2 nak adong ka lio hrawngh germany khuate pakhat i a ummi biakinn an remh. Cuka biakinn chung i a ummi Jesuh zuk an kawl than tikah a kut khat lei an hmu kho ti lo. Cuka te ahcun an pastorpa nih "Christ has no hand, but our hands ( Khrih nih kut angei tilo, asinan kanmah kut a kan ngeih)" tiah arak ttial. Zarhpini pauah ah hica hi mipi nih an hmuh lengmang tikah "Jesuh nih keimah kut, keimah hrimhrim hamn a ka duh" an ti i rian tampi an ttuan kho. Pathian ram le a dinnak, kan ram le miphun thanchonak ding caah kut tam a herh.
Cu asi caah Habakkuk 3:2 ning in " Maw Bawipa, na thil tuahmi kha ka rak theih hna; Maw Bawipa, na rianṭuanmi kha ka rak hmuh. Na lianngan na thil tikhawhnak hi kanmah chan ah a thar in langh ter hram ko ( Repeat them in our day, in our time make them known) timi hi kan ram le kan miphun caah kan thlacamnak si hram seh law, kan ram le kan miphun chunah ah Pathian thil liannngan tuah khawhnak hmelchunhnak lang chin thluahmah hram seh. Amen.
Pathian nih hmelchunnak a tuah tikah kanmah minung hman a kan duh. Pathian + minung = hmelchunnak ti'n asi hnga. Pathian nih mizaw dam ter aduh ah cun sibawi hna hman aduh. Chinram le kan chuah kehnak khua cio a thancho khawh nakdingah Chinmi hman a kan duh. Thlachuahnak hi thli lakin arak tla sawhmi thil asi ballo. Pathian nih hin kanmah he rianttuan ti a duh peng, kanmah he i hawikomh a duh peng. Amah te zong in thil a tuah khawh tuk ko. Kanmah thengmang he ttuantti a duhmi cu minung kan i miaknak bik asi. Atu lio ah kan umnak ram i Prime Minister pa nih "nangmah he rianttuanti ka duh" rak kan ti cio hna sehlaw kan i lawmh lai ning! Vawlei Ralpi 2 nak adong ka lio hrawngh germany khuate pakhat i a ummi biakinn an remh. Cuka biakinn chung i a ummi Jesuh zuk an kawl than tikah a kut khat lei an hmu kho ti lo. Cuka te ahcun an pastorpa nih "Christ has no hand, but our hands ( Khrih nih kut angei tilo, asinan kanmah kut a kan ngeih)" tiah arak ttial. Zarhpini pauah ah hica hi mipi nih an hmuh lengmang tikah "Jesuh nih keimah kut, keimah hrimhrim hamn a ka duh" an ti i rian tampi an ttuan kho. Pathian ram le a dinnak, kan ram le miphun thanchonak ding caah kut tam a herh.
Cu asi caah Habakkuk 3:2 ning in " Maw Bawipa, na thil tuahmi kha ka rak theih hna; Maw Bawipa, na rianṭuanmi kha ka rak hmuh. Na lianngan na thil tikhawhnak hi kanmah chan ah a thar in langh ter hram ko ( Repeat them in our day, in our time make them known) timi hi kan ram le kan miphun caah kan thlacamnak si hram seh law, kan ram le kan miphun chunah ah Pathian thil liannngan tuah khawhnak hmelchunhnak lang chin thluahmah hram seh. Amen.
Comments
Post a Comment