Posts

Showing posts from June, 2013

I Pehtlai

Image
Na bia cu ka ke caah meiinn a si i, ka lam ah ceunak a si. Salm 119:105. Zingkhat cu ka tho i ka internet connection nih rian a ttuanlo kha ka theih. Remthiam pawl nih an zoh i ka modem thlen ahau i a tuan bik ah nikhat hnu lawngah a ngah lai an ka ti. Nazi 24 chung taktak internet lo i um ding ka ruah tikah ka lua pah ngaite. Zeitinhme asi khawh ne lai? ka ti. Cun, " Pathian he kan i pehtlaihnak nikhat chung cat sehlaw teh zeiko dah ka lawh hnga?" tiah ka ruat fawn. Pathian he kan i pehtlaihnak hi Amah bia reelnak le thlacamnak thawngin asi. Cu ti lawnglawng ah a Bia lawng a theitu siloin "A tuahtu" kan si kho lai. (James1:22-24). Psalm 199 cattialtu nih Pathian he i pehtlaih zeitluk indah abiapit kha a hngalh. Pathian sinah a phunglam cawn piak ding le hngah khawhnak pek dingah a nawl (Salm 119:33-34). Cun, a lungthin a dih umnak in zulh zungzal ding, santlai lo thil kha zeipipa ah reel sual lo dingah thla a cam fawn. (cang 35-37). Pathian bia ruah zungz

Aho Kut Chungah Dah Na Um?

Image
Basketball a t ha deuhmi hi lungkhat ah $ 20 hrawng asi. Asinain, cu basketball cu celhtiam Michael Jordan kut chung a phanh tikah $ million 33 nak tam deuh hmuhnak ah aa chuah. Aho kut chungah dah a um tikha a biapi. Tennis a celh thiam lomi caah cun tennis racket hi zeihmanh a sunglawi lo. Asinain, Maria Sharapova kut chung i tennis racket nih $ million 80 tluk a chuahpi khawh. Tennis racket hi aho kut chungah dah a um tikha a biapi. Kanmah cio nih ṭ hiangṭhunh kan i tlai ahcun ui le ar hna dawinak men asi hnga. Asinain, Moses kut chung i ṭ hiangṭhunh nih cun Rili Sen kha a ṭhen khawh. T hiangṭhunh hi aho kut chungah dah a um timi hi a biapi. Hngakchia sawhsawh hna kut chung i lungherhchehnak (chai) nih vate peelnak ding men asi kho. Asinain, David kut chung i lungherhchehnak hi Pathian minung hna zei reelloin a zuamtaihmi Goliath a thah khawh. Lungherhchehnak (chai)hi aho kut chungah dah a um tihi a biapi.  Mi tampi kan kut chung i nga le changreu hna hi kanmah pawk