No Pengnak Sii

Sihmanhsehlaw Bawipa aa bochanmi cu thazang thar an la. Mupi bangin an zuang lai; an tlik tikah an baa lai lo, an kal tik zongah an tha a di lai lo. (Isaiah 40:31)
  
Rev. Dr. Van Bik
Minung kip nih no lio bantuk in thazang ngeihtthan le vun le cuar hna i dawh tthan hi duh a si. Cucaah cun, an sii zuarmi a cawngia (thawngzamh) tu hna nih “kan sizuarmi na ei bak ahcun na no lio bantuk in thazang na ngei lai i na vun na cuar zong aa dawh tthan lai” tiin thawng an zamh (caw-ngia) tawn. Americaram hna ahcun no deuhnak sii le ai an cawknak man hi dollar Billion 20 kumkhat ah an hman ee, ti a si. Sii lei thiammi doctor te nih cun, sii ei ruangah an no tthan, timi hi cu tette piah awk a har lai, an ti ve hoi.
Mahbelte cu,Pathian bia nihcun hitihin bia a kan kamh: “A no mi hmanh kha an tha a der tawn i tlangval hmanh khan an tha a ba kho. Sihmanhsehlaw Bawipa aa bochanmi cu thazang thar an la. Mupi bangin an zuang lai; an tlik tikah an baa lai lo” a ti. Hi thil hi mino ca he kum upa ca he a si dih i, Bawipa aa bochanmi paoh caah a si.
Pathian aa bochanmi hna hi an hna a ngam; an hna a ngam tikah an mithmai a panh; an hninghno  i duh an nung. Mikip khi dawtnak in an zoh khawh hna. Pathian a tihzah lomi hna cu an mithmai a chia; thinhun mithmai le huatnak mithmai le iphuhrungnak in an khat. Mikip khi mithalo in an hmuh hna. Tar zong an hlawh.
Kan Bible (Isaiah) nih zumtu nun hi Mupi he a tahchunh tikah vandumpi le thli lakah zalon tein a tlawnlennak le retheih harnak tuar-in khawhnak hna khi a lak duhnak a si. Amah tein siloin vansangpi thlitu ahkhin sangpi tiang zuankhawhnak thazang aa lak tawn, ti asi.
Cu bantuk in kannih zong hi Pathian kan i bochan tik ahcun Bawipa thazang tu nihkhan a kan kalpi; thazangthar a kan pek, teinak a kan pek. Cucaah Bawipa nih kan nunnak cu thiltha in a khah ter i, a kan noter i mupi bangin a kan thawnter (Salm 103:5). Cu nih cun taksa thinlung le thlarau a no ter i mupi bangin thazang a ngeih ter peng.
Dawtmi unau hna, na tonmi thil hna le na retheih vansannak hna hi nangmah tein na zuanhnawh tik ahcun na phisin khawh lo lawng siloin, nangmah tu kha retheih vansang le mithmaichia in na um lai. Bawipa sin tu ah na sinak dihlak na chiah ahcun na thil a zang lai i thazangthar an pek lai. Bawipa i bochan, timi cu Amah Bawipa duhning in nun izuam khi a si. Cuticun, na hlawhtling lai i na mithmai duh anung lai. Cucu Bawipa sinin a rami “no pengnak sii” cu a si.

Comments

Post a Comment

Popular posts from this blog

Cawntlak Caleb Lungput

Image
Moses nih a miphun hna he  Kanaan an va luh hlan ah Kanaan ram va ngiatthlai awkah mi thlah hna lakah adang nih lungdongh awk bia lawngte an chim nain, Caleb nih cun,  “ Khulrang in hung kal u sih law, hung umhnawh u sih; zeitintiah ṭha tein kan tei khawh ko lai ,”   tiah zumhnak he bia a chim. An va hmuhmi Kanaan ram cu  cawhnuk le khuaihliti in a luangmi ram a si.  Isreal mi hna cu Pathian nih Kanaan ram hi a pek ciami ram asi  Nambar 13:1.   f A pekcia komi ram kha zumhnak le luhkhawh ding asi ko ti ruat cuca loin ralchiatnak he mi tampi nih bia an chim lio ah Caleb nih cun  Pathian nih a thimmi hna caah Pathian nih ram nuam ram tha a kan pek khawh ko tiah a zumh caah,  “Ngiatthlai awkah kan hung ṭolmi ram cu ram ṭha hringhran a si ko .  Bawipa  cu kan cungah aa lawmh ahcun hi ram chungah cun a kan luhpi lai i a kan pek lai, cawhnuk le khuaihliti in a luangmi ram a si ko." tiah a chim.  Nambar 14: 7 - 8  . ...
Read more

Zumh Awktlak Nun

Image
Aa thawh i, ‘A tha, nangmah cu saltha na si. Thil hmete ah zumh awk tlak na si caah khua pahra uktu ah kan chiah lai’ ati. Luke 19:17 Dr. Pa Hnin A bawipa nih “saltha" tiah a kawh i khua pahra uktu ah a chiahnak a ruang: A bawi pa nih a khinh mi rian kha i pumpek in a tuan caah;   Phungthuak bia 12:24 Mi teima mi cu tuktu an si lai sihmanhselawh mi thathu cu an thathutnak nih mi sal ah a can ter hna lai. A bawipa nih a pek mi nawl kha tangtor te in a zulh caah; Phungthlukbia 18:12, Toidornak cu upatnak phaknak lam asi. A rian kha dinfelnak le zumh awk tlak te in a tuan caah; Phung 16:8, Dinlonak in hmu mi thil tampi nak cun dinnak in hmuh mi tlawmte a tha deuh.                 Joseh tuanbia (Genesis 37:12-36) hi kan theih tawn lengmang mi asi. Joseph cu a u le nih Egypt ram ah an zuar i, Potifar an ti mi bawi sin ah “Sinum” (servant) sinak in a va phan. Joseph cu Potifar nawlngaihnak ta...
Read more

Zohchun Awktlak Khrihfa Innchungkhar

Image
 Chungkhar hi Pathian nih a sermi asi caah a tha.(Gen 2:22).   Pathian nih a sermi chungkhar ah Amah Pathian hi chungkhar lutlai asi awk asi. Pathian khuakhannak le Pathian duhnak, Pathian Bia nih a chimhning in siloin minung pumpak ruahnak le thiamnak le thil tikhawhnak i rinh menmen in cun chungkhar hi sak khawh asi lo. Bawipa nih inn cu a saklo ahcun, asatu hna riantuannak cu santlailo asi. (Psalm 127:1). Nan innchungkhar sining hi Bawipa pekin nan sakter lo asi ahcun zeitluk nan i zuam len zongah santlai lo asi ko lai. Khuasak tintuknak caah fak tuk in rian ṭ uan le tuan tein thawh i tlaipi ah ih lengmang hi santlailo a si, zeicahtiah Bawipa nih a dawtmi cu, an i hngilh karah,an herhmi kha a pek ko hna (Salm 127:2). Ziah annih chungkhar hi an tuan an tuahnak vialte ah khuaawng an tong hnga, ziah annih an fale hi nawl an ngai i, an thangcho hlei hnga? tiah kan ti tawnmi chungkhar an um. Khuaruahhar awk asilo. Bawipa kha an innchungkhar lutlai ah an chiah hn...
Read more