Posts

Showing posts from August, 2014

Khrih Chungah Zeitindah Thawng Ngai-in Kan Nun Khawh Lai?

Image
Khrih chung i nan nunnak nih khan an ṭhawnter hna maw? A dawtnak nih khan nan hna an ngamter hna maw? Thlarau he hawikomhnak nan ngei maw? Pakhat le pakhat nan i daw in nan i zaangfah maw? (Filipi 2:1) Rev. Ria Ce Pathian nih zumtu hna a kan pek mi hi Khrihfa tampi nih nun duhdim ngeih nak dingah kan hmang lo.Pathian pek mi kan hngalh lo caah maw,asilo ah a hmanning kan thiam lo caah a si kho men.Mi pakhat nih Bank ah phaisa(ro) in chiah piak seh law, na leiba caah na thin a phang a herh lo.Bank ah phaisa chuahnak ding kong tu ah na buai ding a si.Pathian pek mi thil kan ta a si ko bu ah a laak le a hman kan thiam lo ahcun kan caah san a tlai lo.Cu caah Khrih chungah thawng ngai le duhdim tein kan nun khawh nak hnga kan hrampi ca i Pathian nih a kan pek mi thil 4 in langhter ka duh. 1.Thlacamnak.  ( 2 The 5:16)      A zungzal in Bawipa Pathian he i chonh kan herh.A mah Pathian fial mi a si. Pathian he biachonh lo( Thlacam lo) ah cun nifate hman tein nun khawh

Vanram A Um Lo, Hell Zong A Um Fawn Lo

Image
" Thih hnu nun tthannak le vanram  nih  akan hngah ko timi hi tuanbia bantuk men asi i, thihnak a ttihmi caah asi (  A belief that heaven or an afterlife awaits us is a "fairy story" for people afraid of death)  . Kan thluak nih rian a ttuan lo hnu cun zei pauh hi adih cang ko caah mithi cu a rawk cangmi computer bantuk kan si "  Hi bia hi   Stephen Hawking nih The Guardian thawngzamhca he May 2011 lio bia an i ruahnak ah arak chimhmi bia asi.  Van le vawlei le a chung um thilri le minung kongkau a hlattlaitu a nung rihmi scientist hna lakah a thiamsangbik pakhat asi lai tiah ruahmi Stephen Hawking biachimhmi hi mi tampi nih an i laak ngaingai mi asi. Thil thar tampi an sersiam i minung thanchonak caah thil ttha tampi a tuahtu an si fawn. Asinain, an hlattlai cuahmahmi van le vawlei le a chung um thilti vialte a sertu Pathian hi, a um lo tiah an ruah. Pathian a um lo atimi caah cun Pathian umnak vanram zong a um awk a ttha tilo. Vanram hi mi tlamtling

Thingkung Kungthum Tuanbia

Image
Voikhat cu thinkung kungthum an um. Tuanbia chung cu va si kaw, an holh thiam ai. Thinkung 1nk nih, "Kei cu vawlei cungah a man a sunglawi bikmi sui le ngun hna chiahnak thingkuang si ka duh" tiah a chimh. Thingkung 2nk nih cun, " Kei cu siangpahrang nih an i ciitmi tilawng  si ka duh" tiah a chimh ve. Thingkung 3nk  nih cun , "Kei cu hi tlang cung i a sangbik mi thinkung si ka duh" tiah a hun chimh ve. An chunmang cio caah kum sau nawnpi thla an cam cio hnuah, nikhat cu thin hau tu pawl an ra. Thinkung hmasa bik cu an vun zoh i, "Hi thingkung cu lettama sinah kan zuar lai" an ti i an hau. Thinkung 1nk cu ai lawm ngai, zei caah tiah lettama nih suingun chawva sunglawi chiahnak thingkuang ah an ka ser te lai ti hi ai hngalh. Thinkung 2nk cu an vun zoh i, "Hi thingkung hi cu tiilawng ah a ttha lai, tiilawng sertu sinah kan zuar lai" tiah an ti i an hau ve. Thinkung 2nk zong cu ai lawm ngai ve. Thinkung 3nk cu an hau v

Kan Nunnak Hi Zei Dah Asi?

Image
Phungchimtu 3:11 Salai Pum Za Mang 2002-2003 cacawn kum ah MIT ka phan. MIT ah kum 3 ka kai. Philh khawh loding thil tete ka rak ton mi an um len. Sianginn kan kai ka June 2002 ah ka tonsil a phing, cuticun, Karen Baptist Convention Clinic ah major operation an ka tuah. Kum 1 chung bia tha tein ka rak chim kho lo. Bia a chim thiam lo mi u/nau hna an feeling khi ka theih thiam ngaingai. Phaisa har deuh ruangah MIT kum 3 ka kai chungah Insein deuh ah ka um. Thal sianginn khar lio ah Saya Cung Ling he MIT Hostel ah kan rak um. Lautu biakinn ah rawl kan rak ei ton, cucun, zaanlei paohah Table Tennis kan rak tu ton theu. MIT in YLBC ah Bus in kan kal hi arak tlawm ngai. Ke deuh in kan rak kal. Kum 9 avan rau tikah tuanbia ah an cang ko cang. Saya Cung Ling nih teh a philh cang hnga ma kati ton. Cupinah, 2005 February ah khan kan class nih Rakhine ram Ngapali Beach ah kan kal lai anti. Kan i dawt ngaimi Kachin ka hawi pa (JD) nih 15000 (2005 lio ah) a ka pek piak. Cuticun, Ngapa

Jesuh Ka Chimh Lai

Image
Lung a dongmi kha Bawipa nih a umpi hna i ruahchannak a ngei lomi kha a khamh hna . Salm 34:18 Bawipa dawtnak a fekmi cu, a dong hrimhrim lai lo, A zaangfahnak zong a cat lai lo;  Zing fate in an thar lengmang, Zumhtlak a sinak cu a lianngan hringhran.  Ka ngeihmi dihlak cu Bawipa hi a si ko, ka ti; Cucaah amah cu lungsau in ka ngan ko lai;  Bawipa cu amah aa bochanmi hna vialte cungah a ṭha.   Tahnak Hla 3:22-25  ********** Jesuh Ka Chimh Lai Voikhat cu caan saupi chung ngaihchiat harsatnak le zawtfahnak a tuaringmi pitarnu sinah pastor Elisha.A. Hoffman cu arak leng. Pitarnu cu a zawtfah le aharsat caan asau tuk cang caah a lung a dong tuk cang. " Pastorpa, zeidah ka tuah ti lai, kan nun sining hi zeitin dah asi cang kun lai? Zeiti tiawk hrimhrim ka thei tilo. Ka lung a dong tuk cang" tiah achimh. Pastor Hoffman zong nih pitarnu cu zeiti'n ka hnemh lai tihi a thei kho hrimhrim tilo. Cu ticun thla a cam piak i, " Jesuh kha chimh ko, am

BAIBAL ZEITINDAH KAN REL LAI?

Image
"Cathiang nih zeitindah an chim i an chimh mi cu zeitindah a sullam naa lak ning asi?”   Luke 10:26-28 Biahmaithi   Rev. Dr. Samuel Ngun Ling   Nihin Khrihfa tampi nih a biapi cem rua tiah ka ruahmi cu, aa thleng lengmangmi kan chan le nihin kan nun ah Khrihfa zumhnak nih asiloah Pathian bianung asimi Baibal nih zei bia dah a chim? Cu a chimmi bia cu zeitindah a sullam kan i lak ning asi” ti hi asi ruah ka ti. Jesuh Khrih le zultu hna bia an rak chim lio can vulei le Baibal ca an rak tial lio can vulei, a luan cia kum 3000 hrawng can, chan le minung hna sining le nihin kan can, kan chan, le minung hna sining zeitluk in dah aa dan cang i cu aa dangmi chan le minung hna sinah aa thleng kho lo mi Pathian bia, Baibal ca, nih zei bia dah a kan chimh i nihin kan caah zei sullam dah asi, Kum 2000 a rau cangmi bia le nihin kan chan zeitindah kan peh tonh lai? Nihin kan caah Baibal hi zei sullam dah a ngeih taktak? timi biahalnak he pehtlaih in Baibal rel ningcang le zumh ningc

HARNAK CAAN AH PATHIAN CU THANGTHAT, TEINAK LAM A SI

Image
… Paul le Silas cu thla an cam i Pathian sinah thangthatnak hla an sa … (Lam. 16:25) Annih nih hlasak le thangthat kha an thawk tikah   BAWIPA nih Ammon, Moab le Seir Tlang mi, Judah tuk awk i a rami hna kha lamhruang a ahter hna i cucaah an sung dih (2 Chan. 20:21c-22) Saya Bawi Dua Mupi nih thlichia lakah thazaang thar a lak than bangin thazaang thar lak than in a muimi kan lungthin innka cu hung than hna u sihlaw Pathian cu lungthin takte in thangthat than hna u sih. Ngaihchiat caan le harnak ton caan ah Pathian thangthat khawh hi a har taktakmi thil a si. Sihmanhsehlaw cu bantuk caan i Pathian thangthat khawh a biapi khun fawn. Cu bantuk harnak caan i Pathian thangthat khawhnak nih teinak nganpi a chuahter tawn. Cucaah atutan ah harnak caan ah Pathian thangthat cu teinak lam a si timi thawngtha in thazaang lak ti hna u sih tiah kan sawm hna.  Pathian cu a mi hna (Israel) nih an thangthatnak hmun ah a um ( But thou art holy, O thou that inhabitest the pra