Thingkung Kungthum Tuanbia

Voikhat cu thinkung kungthum an um. Tuanbia chung cu va si kaw, an holh thiam ai.
Thinkung 1nk nih, "Kei cu vawlei cungah a man a sunglawi bikmi sui le ngun hna chiahnak thingkuang si ka duh" tiah a chimh. Thingkung 2nk nih cun, " Kei cu siangpahrang nih an i ciitmi tilawng  si ka duh" tiah a chimh ve. Thingkung 3nk  nih cun , "Kei cu hi tlang cung i a sangbik mi thinkung si ka duh" tiah a hun chimh ve. An chunmang cio caah kum sau nawnpi thla an cam cio hnuah, nikhat cu thin hau tu pawl an ra. Thinkung hmasa bik cu an vun zoh i, "Hi thingkung cu lettama sinah kan zuar lai" an ti i an hau. Thinkung 1nk cu ai lawm ngai, zei caah tiah lettama nih suingun chawva sunglawi chiahnak thingkuang ah an ka ser te lai ti hi ai hngalh. Thinkung 2nk cu an vun zoh i, "Hi thingkung hi cu tiilawng ah a ttha lai, tiilawng sertu sinah kan zuar lai" tiah an ti i an hau ve. Thinkung 2nk zong cu ai lawm ngai ve. Thinkung 3nk cu an hau ve nain inntang a hmuinak lakah an chiah sawhsawh.
Thinkung 1nk cu a ruahchan ning cu si nenmam hlah. Cawrawl einak kuang ah ser a si ai. Thinkung 2nk zong cu zeilak siangpahrang citmi tiilawng ah ser si hlah, a ngan pah nawn mi tilawng sawhsawh ah ser a si ai. Thinkung 3nk tu cu mah ti khan hmui lakah an chiah sawh rih ko.
Nikhat cu thinkung 1nk in sermi cawrawl einak kuang ah cun nuva kopkhat nih naute an rak ngei. Cawrawl einak kuang cu ai lawmh ning, ai lawmhning bak cu a mak lawlaw. Ziah tiah cun, vawlei i cung a man sunglawi bik naute Jesuh cu pei cu cawrawl einak kuangah arak chuah fom cu.
Nikhat cu pacang pa hleithum nih thingkung 2nk in sermi tiilawng cu an vun i ciit. An lak i pakhat cu cu tiilawng cung ah cun ai hngilh thluahmah. Cu lio ah tilet an tho i thlitu fak pi-in a hrang. Tiilawng cu ai let dengmang, cu lio ah cun tiilawng cung i ai hngilhmipa cu a vun tho i tilet le thlitu kha "Dai uh" tiah nawl a  pek i an dai colh. Tiilawng cu ai lawm tuk, zei caah tiah a cung i aa ciit tu hna cu Saingpahrang nganbik Jesuh le a hnuzultu pawl an si cu teh.
Vawikhat cu thinkung 3nk cu rianrang in hmui lak in chuah a vun si. Vailamtah ah an ser. Hi  vailamtah a phor mi pa zong cu mi tampi nih an au hnawh chih fawn, cun a donghnak ah a cung bak ah thir he an khenh chih fawn. Calvary tlang ah vailamtah dang pa 2 he an vun dirh. Cu ni cu ninga ni zaan lei a si. Zarhpini a vun phanh tikah vailamtahnak (thinkung 3nk) cu ai lawmhnak hi a chimh in chimh khawh si lo. Cun a chunmang cu a vun tling taktak. Zei caah tiah Calvary tlang a sannak bik ah a dir i mikip nih an thieh mi ah a vun i cang; a cung i an khen chih mi Jesuh cu thihnak a tei i a tho tthan.
Hawidawt hna, kan nunnak ah hin chunmang kan ngei cio. Kan i ruahchan ning in thil a si lo tikah kan lung a dong tawn ve. Pathian nih kan caah i a kan timh piak mi hi kanmah kan i timhnak he aa khat lo caan a tampi. Asinain, Pathian nih cun kan caah a ttha bik in khua a kan khaan piak ko.
Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna. Rom 8:28

Nan ca i ka tinhmi cu keimah lawnglawng nih ka hngalh, tiah Bawipa nih a ti. Cucu vanchiatnak si loin thluachuahnak a si lai i nan hnu i a rung um ding tefa tampi kong a si lai. Nan ka hal i ka sinah thla nan cam ahcun nan bia kan ngaihpiak hna lai. Nan ka kawl tikah nan ka hmuh lai; nannih nih nan lung dihlak in nan ka kawl tikah 14keimah cu nan ka hmuh lai, tiah Bawipa nih a ti. Jeremiah 29:11-13

Comments

Popular posts from this blog

Zohchun Awktlak Khrihfa Innchungkhar

A Sunglawimi Thangthat Awktlak Thluachuak NU

Pathian Kan Sinah A Um