Van nakin a san deuhnak hmun ah Inn a ngeimi Pitarnu


A zungzal in i lawm u, a zungzal in thlacam u,zei bantuk thil nan ton hmanh ah lunglawm in um u. Khrih Jesuh chung i nan nunning ah hin hitihin nung hna seh, tiah Pathian nih an duh hna. (I Thesalon 5: 16-18)
Voikhat cu, Lamka khua, India ram ummi a siifak ngaimi pitarnu nih pastor pa a inn ah thlacam a sawm. Pastor pa a pek khawhmi cu meheh hnuk hraikhat le banhla pumkhat te a si.
Pastor pa hi mirum asinain a piangthar mi asi caah a nunzia a ttha i, midang thatnak ding caah siaherhnak lungthin nganpi a ngei ngaingaimi asi fawn. "Ka Pi, keimah nih dakaw nangmah tukha na duhmi in dangh ding ka si, ka inn hna ah rawl-ei kan sawm ding asi deuh nain.." tiah ati buin pitar nu nih dawtnak he a pekmi banhla le meheh hnuk cu a dingei. Cu lio ah pitar nu bialehnak nih pastorpa cu a lau ter. Cu bia cu hitin asi. " Pastor pa, a rian na ttuanmi Pathian hi mi sawhsawh asilo. Cun, kei hi ka si a faak lo. Ka inn hi a chiatuk tiah na ruah ko lai, asinain ka caah cun Pathian dawtnak ka theihnak hmun asi. Zaan ka ih tikah ka inn cungkhuh aa awngmi tampi karlak in arfi tampi ka hmuh. Cu nih cun, "kei hi hitluk akau mi van a sertu, hi tluk reel cawk lomi arfi hna  asertu Pathian fa ka si, ni khatkhat ah hi tluk a kaumi van le arfi hna nakin a sandeuhnak ka Pa Pathian inn ah ka kal lai, Van nakin a san deuhnak hmun ah Inn ka ngei"

Pathian nih a hmanmi, Lautu mi kan pacem Rev. Si Khir nih kum 2001 hrawnghrang lio ah Yangon Lautu Baptist Church ah hitin a chim bal. " Thlachuah hi nan reel lo ahcun nan co lai lo. Nan reel lo ahcun a reelzia nan thiam fawn lai lo. A reelzia a thiam lomi nih zeitluk dah thlachuah kan co ti hi nan i thei lai lo. Zeitluk dah thlachuah ka co ti aa theilo mi cu mi thlachuah nan si kho lai lo. Pathian thlachuah hi reel lengmang ko uh, cu bantuk chungkhar cu Pathian nih nan reel awk thlachuah an chap piak lengmang ko lai dakaw. Cun, thlachuah timi hi i hrawm cio uh, akarh deuh lai"

Pathian nih thlachuah in pe cio hna seh.

.

__,_._,___

Comments

Popular posts from this blog

Zohchun Awktlak Khrihfa Innchungkhar

Zumh Awktlak Nun

Bawipa Cu A Tha