Vawlei Tuanbia Thlengtu

“Ngaknu cu fa a pawi lai i fapa a hrin lai i a min cu Emmanuel a si lai,” tiah a chimmi a tlin nakhnga caah, hi thil vialte an hung um hi a si. (Emmanuel ti cu Pathian kan sinah a um, tinak a si.) * Matthai 1:18-23

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai. Isaiah 9:6

Pathian thil tuahmi hi khuaruahhar lawng te an si dih. Van sunparnak kaltaak in toidor in vawlei cung minung sinak acomi hrimhrim hi khuaruahhar asi. Zeidang biaknak "pathian" aa timi hmanh a sannak in a niamnak ah an tum ballo, a niamnak in a sannak ah a kaimi lawngte an si. Jesuh Khrih lawnglawng hi vawlei misual akan dawttuk caah Van Sunparnak kaltaak riangmang in vawlei misual khamh awk ah a tummi Pathian si. 

Kan biakmi kan Pathian hi Khuaruahhar Pathian asi. Minung hngalhnak lenglei saupi va lonh in thil a cang ter khomi Pathian asi. Minung fimnak nih a ruahbanh khawhlomi thil lianngan a cang ter kho lengmang tu Pathian asi. Minung nih "Asi kholo" kan timi thil asi ter thiamthiam khotu Pathian asi. 

Jesuh cu vawlei ah arak hrin hlan hrimhrim in vawlei tuanbia a thleng khotu Pathian asi. 
  1. Ngaknu nih fa a pawi lai: Ngaknu (pa he a itti ballomi) nih fa pawi khawh phung asi lo. Minung fimthiamnak Sciences (Teihpaan) ah asi kholomi asi. Asinain, Pathian Thiang Thlarau thawngin asi kho thiamthiam.
  2. Fapa A Hrin Lai: DNA checknak zong a um hlan, zei bantuk Science hmanh nih hrin dingmi fa, fanu maw fapa dah tiah, a chimhchung khawhhlan chan ah Fapa a hrin lai tiah chimh chung ciami arak si.
  3. Asining Phuanciami Pathian: Jesuh sining cu a chuah hlan hrimhrim in phuancia arak si. Matthai 1:21 ah a min ah "Jesuh na sak lai — zeicahtiah a mi kha an sualnak chungin a khamh hna lai,” tiah aa tial. Matthai 1:23 ah " a min cu Emmanuel a si lai,(Emmanuel ti cu Pathian kan sinah a um, tinak a si.) tiah aa tial. 

Na nunnak ah asi kho lailo tiah khuaruahhar beidong ruahchannak ngei loin na um maw? "Van ka zoh a sang tuk, lei ka zoh a pit dih" tiah ngaihchia in na um maw? "Pathian nih hin atu lio ka tonmi thil le ka sining hi aka hmu ve hnga lo maw ...awww?" tiah Pathian he kaa hlat tuk rua tiah na li a leng sual maw? 

Minung ruahnak le fimnak nih asi kho lo kan timi hmanh asi ter thiamthiam khotu Jesuh Pathian a biami kan caah cun Emmanuel Pathian kanmah he naihniam te ah a um ko. Kan ngaihchiatnak, kan harsatnak, kan beidonghnak, kan sining vialte a theitu akan tuarpi tu Jesuh kan sinah a um peng ko. Pathian cu khuika pauhah kanmah naihniam te ah kan pawngkam te ah a ummi Pathian Omnipresence asi. Thil tha kan tuah zongah, thil zohdawhlo kan tuah zongah, thawngthabia tha te'n kan ngaih caan ah siseh, ding lo ei lo ding kan din kan ei caan ah siseh kan pawngah a um lengmangmi Pathian asi. Thlarau le biatak in Pathian kan hlaam ah cun kan thinlung chungah Jesuh atu caan theng te ah um a duh.

Jesuh nih a tei khawhlomi thil a umlo. Amah uknak le khuakhannak tang ah Amah nih a dawtmi a fale caah cun thil zeipauh hi a tha lei in an si kho dih ko. Cu Jesuh cu kan Uktu Bawi. Kan ca i a chuakmi Jesuh cu khuaruahhar beidong in kan um tikah khuaruahhar thil lianngan akan tuahpiaktu ding Khuaruahhar Fim Chimtu asi. Kan thader caan ah kan ngaihchiat caan ah thil zeipauh Amah pekmi thazaang in kan tei khawhnak ding caah akan bawmtu A Thawngmi Pathian asi. Mi tampi cu Christmas caan ah dawtmi chungkhar unau ngai in lunglileng in kan um men lai; kan i ruahchanmi thil a rawh ruangah lungrawk in kan um men lai. Jesuh i a fekmi a dawtnak cu zungzal in a hmun, zumh awktlak asinak cu chan vialte tiangin a hmun. Kan Pathian hi Zungzal Hmunmi Pa asi. Vawlei thil sining le nun khuasak timhtuahnak caah lungrethei in kan um men lai, thil cang tampi ruangah thinphang thlalau in kan um men lai. Asinain, kan caah arak chuakmi Jesuh Khrih cu Daihnak Bawi asi caah vawlei tilet tho in thlichia hrang hmanh seh Jesuh he cun zeipauh hi a donghnak ah cun rem thipthep te in a si kho ko.

Khamtu Emmanuel Pathian sinah zumhnak he thlacam ve hmanh. Nangmah sining hmanh silo, vawleipi tuanbia hmanh a thleng khotu Pathian nih an bawmh ko lai.



Comments

Post a Comment

Popular posts from this blog

Cawntlak Caleb Lungput

Image
Moses nih a miphun hna he  Kanaan an va luh hlan ah Kanaan ram va ngiatthlai awkah mi thlah hna lakah adang nih lungdongh awk bia lawngte an chim nain, Caleb nih cun,  “ Khulrang in hung kal u sih law, hung umhnawh u sih; zeitintiah ṭha tein kan tei khawh ko lai ,”   tiah zumhnak he bia a chim. An va hmuhmi Kanaan ram cu  cawhnuk le khuaihliti in a luangmi ram a si.  Isreal mi hna cu Pathian nih Kanaan ram hi a pek ciami ram asi  Nambar 13:1.   f A pekcia komi ram kha zumhnak le luhkhawh ding asi ko ti ruat cuca loin ralchiatnak he mi tampi nih bia an chim lio ah Caleb nih cun  Pathian nih a thimmi hna caah Pathian nih ram nuam ram tha a kan pek khawh ko tiah a zumh caah,  “Ngiatthlai awkah kan hung ṭolmi ram cu ram ṭha hringhran a si ko .  Bawipa  cu kan cungah aa lawmh ahcun hi ram chungah cun a kan luhpi lai i a kan pek lai, cawhnuk le khuaihliti in a luangmi ram a si ko." tiah a chim.  Nambar 14: 7 - 8  .   A donghnak ah Isreal mi nih Kanaan ram cu an co. Kan nunna
Read more

Zohchun Awktlak Khrihfa Innchungkhar

Image
 Chungkhar hi Pathian nih a sermi asi caah a tha.(Gen 2:22).   Pathian nih a sermi chungkhar ah Amah Pathian hi chungkhar lutlai asi awk asi. Pathian khuakhannak le Pathian duhnak, Pathian Bia nih a chimhning in siloin minung pumpak ruahnak le thiamnak le thil tikhawhnak i rinh menmen in cun chungkhar hi sak khawh asi lo. Bawipa nih inn cu a saklo ahcun, asatu hna riantuannak cu santlailo asi. (Psalm 127:1). Nan innchungkhar sining hi Bawipa pekin nan sakter lo asi ahcun zeitluk nan i zuam len zongah santlai lo asi ko lai. Khuasak tintuknak caah fak tuk in rian ṭ uan le tuan tein thawh i tlaipi ah ih lengmang hi santlailo a si, zeicahtiah Bawipa nih a dawtmi cu, an i hngilh karah,an herhmi kha a pek ko hna (Salm 127:2). Ziah annih chungkhar hi an tuan an tuahnak vialte ah khuaawng an tong hnga, ziah annih an fale hi nawl an ngai i, an thangcho hlei hnga? tiah kan ti tawnmi chungkhar an um. Khuaruahhar awk asilo. Bawipa kha an innchungkhar lutlai ah an chiah hna i chungkhar
Read more

Zumh Awktlak Nun

Image
Aa thawh i, ‘A tha, nangmah cu saltha na si. Thil hmete ah zumh awk tlak na si caah khua pahra uktu ah kan chiah lai’ ati. Luke 19:17 Dr. Pa Hnin A bawipa nih “saltha" tiah a kawh i khua pahra uktu ah a chiahnak a ruang: A bawi pa nih a khinh mi rian kha i pumpek in a tuan caah;   Phungthuak bia 12:24 Mi teima mi cu tuktu an si lai sihmanhselawh mi thathu cu an thathutnak nih mi sal ah a can ter hna lai. A bawipa nih a pek mi nawl kha tangtor te in a zulh caah; Phungthlukbia 18:12, Toidornak cu upatnak phaknak lam asi. A rian kha dinfelnak le zumh awk tlak te in a tuan caah; Phung 16:8, Dinlonak in hmu mi thil tampi nak cun dinnak in hmuh mi tlawmte a tha deuh.                 Joseh tuanbia (Genesis 37:12-36) hi kan theih tawn lengmang mi asi. Joseph cu a u le nih Egypt ram ah an zuar i, Potifar an ti mi bawi sin ah “Sinum” (servant) sinak in a va phan. Joseph cu Potifar nawlngaihnak tangah mah sining i hngalh but e in a thut dir i, a hmaikaa i a um mi rian p
Read more