Pathian Kan Sinah A Um

                            

                                                                                                                   

Mathai 1:18-23

⁸Jesuh Khrih a chuahning cu hitihin a si: A nu Mary cu Josef he khan an i ham i asinain an i umh hlanah Thiang Thlarau in nau ka ngei lai ti kha a hngalh. * ¹⁹A hamtu Josef cu thil a hmaanning in tuah a duh zungzalmi a si; sihmanhsehlaw Mary cu zapi hmaiah ningzahter a duh lo caah an i hamnak kha a thli tein ka let lai, tiah khua a ruat lengmang. ²⁰Cu kong a ruah lengmang lioah khan, a mang ah Bawipa vancungmi pakhat kha a sinah a lang i, “David tefa Josef, Mary hi na nupi ca i lak awkah ṭih hlah. Zeicahtiah fa a pawimi hi Thiang Thlarau thawngin a si. ²¹Fapa a hrin lai i a min ah Jesuh na sak lai — zeicahtiah a mi kha an sualnak chungin a khamh hna lai,” tiah a ti. *

^22-23Bawipa nih profet ka in, “Ngaknu cu fa a pawi lai i fapa a hrin lai i a min cu Emmanuel a si lai,” tiah a chimmi a tlin nakhnga caah, hi thil vialte an hung um hi a si. (Emmanuel ti cu Pathian kan sinah a um, tinak a si.) *

C.S Lewis nih  “Pathian fapa minung ah a rak i can cu,mi vialte Pathian fa kan i can khawh nak hnga ca ah a si” a ti.

1.Minung ah a cang nak a ruang

Pathian fa minung ah i can nak hi miring holh in  incarnation ti  asi.Pathian fapa minung ah a rak in can nak a ruang bik  Mathai thawng tha nih a fianter mi cu “A mi kha sual nak chung in a khamh hna lai” ti a si ko.Khamh nak riantuan nak  ah a min an pek mi cu Jesuh ti a si.A sul lam cu khamhtu ti a si.A ho dah a khamh hna lai.A minung cia sualnak ah a thi a mah he a then cia mi hna  vialte khamh awk ah, a ta cia lakthan ding ah, auh than ding ah a rak i thawh nak hi a si.

Khamh nak rian hi Jesuh nih har nak tam pi lak in a lim cik cek.Cu ca ah vailam tah nak cung ah hin a lu a khun i a lim cang a ti.Pathian hi minung paw chung in hrin le thih hau lo in khamh nak rian hi  lim khawh a si hnga lo maw tiah a fawinak in ruah khawh a si.A si na in minung  cu voi khat chuah in voikhat a thi mi kan si ca ah nu paw chung in a thawk i kan nu dogh thih nak tiang  huap in minung ah a rak can nak hi a si.Zei ca ah tiah Salm 51: 5 Sual cia in hrin ka si.Ka nu nih a ka pawi ah khan mi sual ka si cang” nu pawchung in mi sual  cia ,sual cia in hrin mi kan si ca ah nu paw chung in a thawk lo ah cun minung kan si dih lak ca ah khamh nak riant lam a tling lai lo ca ah minung ah a rak i can nak hi a si..Pathian fa a si na in Mary paw chung ah minung in pawi a si.Cu Pathian fa minung ah a can nak a chan cu C.S Lewis nih a chim ban tuk in  Pathian fa kan si khawh nak hnga ca ah a si.

2.Emmanuel  ti mi sullam cu Pathian kan sin ah a um ti nak a si.

Iraq ram Mosul khua pi cu Iraq ral kap le bawmtu tu buu hna nih an doh cuahmah lio pi a si.Zei ca ah tiah  Mosul khua pi hi Iraq ram nih a ngeih mi khua a rak  si na in ISIS pawl nih an lak piak i khua an sak hnawh hna .An duh ning poh khua kha an tuah i  an hman.Zei ca ah tiah raldoh nak ah an tei ca ah an mah ta a si cang ca ah a si.Hi khua hi hlan chan thil tampi a um nak a si ti a si.Kan kawlram pagan hna Inwa hna bantuk asi.Kha vial te kha ISIS pawl nih an hrawh dih kan zumh nak a si lo an ti.Hrawh khawh nak nawl an ngeih  cu Iraq sin in an lak khawh ve ca ah Mosul khua cu an mah nawl ngeih nak tang a um cang ca ah a si.A tu ah hin a ta a rak si mi Iraq nih an tuk cuah mah lakthan a timh cuahmah pumpek bak in an doh.An lak khawh lai ti an zumh.Zei cah tiah an ram le a chung mi an minung  mi kut chung um lan an siang lo.A uk tu hna zong hi mitha an si lo mi thah hmang an si ca ah a si.

 Cu ban tuk Pathian a mi hna  cu  Satan nih a kan lak i a mi ah a kan tuah.A lak khawh cang ca ah nawl ngeih nak  a ngeih bantuk in a mah duh nak in a kan  uk.Pathian uk nak chung in uknak dang ah thial kan si ca ah Pathian hmai ah a thi mi kan si.Kan nun an hrawh kan thluak a hrawh kan zia a hrawh,Pathian duh nak nun in Satan duh nak tuah nun ah kan lut ,kan pum kan thin lung put vialte in a rawk dih cikcek mi kha Pathian nih a zoh kho hrim hrim lo.Cu lawng hlah Satan le a mi hna  ca ah  ser mi hell ram ah kal ding kan si.Mosul khua cu Iraq ca ah zei hmanh that hnem nak aum ti lo ca ah a thih bantuk in kan mah zong Pathian hmai ah tha hnem nak kan ngei lo ca ah kan thi ve.Kan thih kha Pathian a lawm lo.A kan siang lo tuk a kan daw tuk.Jonh han 3:16 Vawlei hi a dawt tuk hringhran ca ah a fa ngeihchun te kha a pek ti a si kha mu.Cu ca ah Misual kan si nak vial te chamdih hirhiar kho tu ding ah mining fa in hrin mi ah an um lo ca ah a mah Pathian hrim hrim nih khamh nak rian hi a awt nak a si.Adam pakhat thawng in sual nak cu mivialte sin a lut bantuk in mipakhat Jesuh thawng in mivialte khamh kan si kawh nak hnga a tuah kho tu cu Jesuh lawng lawng a si ca ah  amah  Jesuh a rat nak hi a si.

Satan nih a duh duh in a tuah mi hmun hi kan hmun hma cia a si tiah Pathian a chim mi a langh nak pakhat cu Jerusalem biak inn a lut lio a tuah to mi ah hin a lang ngai ngai.Biak inn ah a hung lut tik ah Satil dotla tiah an ruah mi zuarnak hmun,phaisa thlen nak hmun ,hmuh khawh mi ah sin seh, hmuh khawh lo mi nun chung ah si seh a thur hnom tuk kha a hmuh tik ah a thol dih hna.A inn cia ah mi nih a n duh poh in an rak tuah mi kha a thin a linh in a lin.Nan si cio ko lai.Nan inn cia ah nan inn pa hna nih rak ra riang mang I an duh poh in nan thil ri sawksam in tuah hna seh law na duh ve bal ding a si lo.Cu ca ah Jesuh nih“Pathian nih ka inn cu thlacam nak inn a si lai. A ti tiah a ti .A si na in  nan nih nih cun mi fir kua ah nan ser cang .,”( Mathai 21:13) tiah a ti hna.

Jesuh  nih ka   inn a ti mi  cu   Jerusalem biakinn  le kan mah minung hi a kan chim duh mi a si.Jerusalem biak inn  hi a mah ca ah sak mi a si ca ah a mah ta a si.Thlacam nak in hman ding .A mah he bia i ruah nak hmuh a si .A mah duh ning te in cawl cang ding  kan si.A sin a in cu ti cun an um lo.Ni hin zong ah hin Biak inn ah kan rat tik ah kan um tuning zong kan cawn paik seh ti ka duh.Biak inn hi Pathian inn a mah um nak a si ti hi a chung ah kan hung lut le vete in kan theih colh a hau.kan mah duh mi bia i ruah nak hmun a si lo i khaini hmom bu hna in,khaicek khai bu hna in zu rit bu hna in kan um nak ding a hmun a si lo.Mi sual hi a kan dawt ,a kan dawt nak a chan cu Satan nih a hrawh mi sual tuah nun in  thiltha tuah nun kan ah kal i a ah  uk mi nun ah i thlen hi a kan duh mi cu a si.Cu bantuk Stan duh nak tuah nak hmun cu hrawh bak i a mah mah duh nak tuah nak ram ah ser cu a rat hnawh chan mi a si.

Mifir kua ah nan hman a ti rih.Mi fir kong hi Jesuh nih Johan dal 10 chung ah a chim.Ka hlan in a ra mi poh cu mi fir le damiah an si.Jesuh a rak hlan in kan nun nak chung ah kan nu pawchung in mi fir le damiah an um chung cang ti kha a chim duh mi  a si.Mi fir cu fir duh le  thah duh la hrawh duh  lawng ah an rak ra.That nak an tuah mi pakhat tal a um lo.Ni nin kan nun nak chung ah Jesuh nih a uk rih lo i khamh kan i fian rih lo ah  cun Jesuh  hmai ah a ra mi Mi fir le damiah nih a uk mi nun,kan nu paw chung in kan ro in kan rak ngeih cang mi nun cu  kan si hrim hrim ti cu pheh thuh awk tha lo in kan si ko.Lam kal tu hna nih a thil tuah mi an hmuh tik ah ,ca thiang nih “ maw Pathian na inn ka tlaih chan nak  hi ka chung ah mei bang in  a lin’ tiah a ti mi kha an lung a hung pem.Sak mi inn zong  a tlaih chan bantuk in a um nak inn kan mah nun zong  hi zei tluk in dah a kan tlaih chan ti mi hi kan hmuh khawh.

Jesuh nih cun “Hi biak inn hi thet u law ,ni thum chung ah ka sak than lai” a ti.An khua ruah a har ngai ngai.Zei ca tiah  kum 46 an sak mi a si.An mah ruah nak ah cun Biak inn pi kha a si rua tiah an ruah.A si na in Jesuh nihbiak inn ka ti mi cu  ka pum hi a si a ti.Rak ka thah u law ,rak ka hrawh u law nithum ah a thar in kan sak than lai.Cu cu pei ka timh mi cu a si cu a ti hna.Sual nak nih a uk mi kan pum cu hrawh cikcek hnu ah vawlei phum in hloh bak kha a si.A chim ning te in sualnak pum a si mi cu thah a si.Sual nak a hua tu Pathian zong nih misual pa cu vailam cung ah a kal tak.Sualman thih nak ti cu tling tak tak a thih nak le ni tum phum nak in a tlin ter.Mi kan thih ko a langhter tu  hi vawlei phum kan si nak ah hin a si.Jesuh cu nithum  chung vawi ah um.Zei ca ah tiah a thi hrim hrim ti a fiang.Sual man thih nak a dih a um ti lo.Phum a si cang.Bia ceih than awk a um ti lo.A thih cang leh cu ta.A thi cia mi a ho hmanh bia ceih in sual phawt a um bal lo.Cu ca ah Jesuh zong nih a lim cang a ti mi kha kan fian tuk ding a si.Mi sual ka si ti a theih I mi sual kan ca a thi ti a thei mi vail te kan ca ah thih nak cu tei a si cang ca ah phum a si cang ca ah kan ca ah thawngtha a si.

Mi fir kua cu  a thih ca ah phum a si.A si na in Pathian um nak pum inn cu thawh ter than a si.Nun ning hlun cu  a lo cang.Nun thar in a thawk cang.Thih cu phum a si cang ca ah thih than a um ti lai lo.Jesuh a tho than mi pum cu khua thiang chung ah van kai in a lut bantuk in a zum mi vial te cu khua thiang chung tu ah lut pi kan si cang lai.(Halauiah)Thih nak cu hrawh a si cang.A um ti lo.Satan uk mi nun chung ah a mah nih a kan um pi cang.Cu ca ah  Emmanuel  Pathian kan sin ah a um cu a bia pit nak le  a herh nak a si.A zum mi vial te cu khamh kan si i  khamh mi vialte nun chung a kan um cang.

1.     Kan sin ah a kan um pi ca ah a dawtnak he zei tik hmanh ah kan i then lai lo ti kan hngal.(Rom 2:38-39)

2.     Bawipa kan sin ah a um ca ah tuah a duh mi a tuah khawh dih ti kha kan hngalh.(1Chanrelnak 22:17-19)

3.     Bawipa kan sin a um ca ah tih nak vial te an lo dih.(Hebru 13:5)

Zei tik can poh ah a kan um pi zungzal.Ngaih chiat  na tawn can Jesuh nih a ka ruat hnga maw ti na ruah ah cun,Lazaruh thlan ah a dir lio i a mit thli a tlak kha ruat law na ngaihchiat lungrei theih lio a ka um tin a hngalh lai.Mi sual ka si ti na hngalh i mi hmai khah lo in na um lio ah Jesuh nih a ka ruat hnga maw tiah na ruah lio ah,mi nih sual an phawt mi hlawh hlang nu pawng ah  a dir  i a mah lei a tan kha ruat Bawipa cu ka lei tan in a ka um pi na theih lai.Bawipa cu kan lei tan in a kan um pi ti kha theih zung zal law van le vawlei sermi thil vial te ah Bawipa tei kho tu an um lo ti kha tuak hngal in,lunglomh nak he 2017 cu ral tha ngai Ie lawmh nak he 2016 Christmas nih a phorh mi Pathian kan sin ah a um ko ti theih bu in lut u sih tiah kan sawm hna.Zei ca ah tiah John Wesly nih a thih lai ah a chim mi cu mi theih ding ah a tha bik  mi theih nak cu “Bawipa nih a kan um pi ti i theih hi a si.” tiah a ti.

                                        Pathian nih thluachuah pek  ko seh.(Amen)