Pathian Khuaruahhar Lianngan Riantuannak

John 2:1-11 chungah Kana khau nupi thitnak hmun i Jesuh nih a hmasabik hmelchunnak arak tuah. A tawinak in kan chimh ahcun Jesuh hi mopuai ah an sawm, mihsur zu a dih tikah Jesuh an chimh, Jesush nih tuah a fialmi an tuah caah misur zu a tthabik kha tling le thaw tein an dangh khawh. Hi a hmasabik Jesuh Hmelchunnak zohchih in Pathian nih kan nunnak ah zeitindah khuaruahhar thil a tuah khawh timi zohtuah usih.

Khuaruahhar Hmelchunhnak A Tuahnak Hmun.
Khuaruahhar hmelchunhnak a tuahnak hmun hi Kana khua fate asi. Hmun minthang le minung an tampinak hmun ah asilo. Khuate mi nungak tlangvak hna an i thitumnak ah asi. Minthang le mirum, mi lianngan sinah asilo. Cun, mopuai ni ah a tuah. Christmas ni theng, Laantaak Puai le puai minthang ni theng ah a tuah lo. 

Jesuh zei bantuk hmun ah dah khuaruahhar hmelchunhnak a tuah? Jesuh nih aman kan sawmnak hmun pauh ah, kan herhbaunak le kan hlawhtlin khawh lonak amah sinah kan chimh i amah nih tuah uh ti akan fialmi kan tuahnak hmun pauh ah khuaruahhar hmelchunhnak a tuah khawh ko.
  
Khuaruahhar Hmelchunnak A Tuah Caan.
Kana Mopuai ah mopuai a dih hlan ah misur zu a dih. Ningzah mualphoh ding dirhmun ah an phan. Khuaruahhar vansang au in an um. Hnabeidong an um. Cu kong cu Jesuh sinah a nu a va chimh. Jesuh nu nih sinum pawl cu, " Jesuh nih an chimmi hna pauh kha tuah te uh," tiah a ti hna. An tuah ve bak.

Jesuh nih khuaruahhar vansangau in kan umcaan, ningzah mualphoh tong dengin kan um caan, harsatnak le lungrawhnak chungin amah bochannak le kan sining a hmai ah kan rat pi i amah nih tuah seh ti akan duhmi kan tuah caan pauh ah kan nunnak ah khuaruahhar hmelchunhnak a tuah hrimhrim.

Khuaruahhar Hmelchunnak A Tuah Daan.
Kana khua mopuai ah Jesuh nih sinum pawl cu ralca paruk ah ti rawn a fial hna. Liam thluahmah in an rawn ve bak. Cu ti hna cu misur zu a caan ter ko.
Kan nunnak zongah Jesuh nih khuaruahhar hmelchunhnak a tuah duh tikah kanmah minung lei nih amah fialmi tuah hmasat ding akan duh. Minung he riantuan ti duhmi Pathian asi. Formula in tuah usilaw:
Pathian  +  Minung nih Pathian Nawlngeihnak = Khuaruahhar Hmelchunhnak

Kan nunnak ah Pathian Khuaruahnak Lianngan Riantuannak hmuh kan duh ahcun:
  1. Kan zeizongza ah Pathian sawm hmasa hna u.
  2. Kan tonmi thil zeizongza ah Amah sinah thlacam in Amah nih akan fialmi, akan chimhmi cu felte le lungtho tein tuah usih.
  3. Pathian caah i pekchan in teima in zeipauh tuah usih.
Pathian khuaruahhar lianngan riantuannak caah Pathian nih rak kan hmang cio hram hna seh.

Comments

Post a Comment

Popular posts from this blog

Cawntlak Caleb Lungput

Image
Moses nih a miphun hna he  Kanaan an va luh hlan ah Kanaan ram va ngiatthlai awkah mi thlah hna lakah adang nih lungdongh awk bia lawngte an chim nain, Caleb nih cun,  “ Khulrang in hung kal u sih law, hung umhnawh u sih; zeitintiah ṭha tein kan tei khawh ko lai ,”   tiah zumhnak he bia a chim. An va hmuhmi Kanaan ram cu  cawhnuk le khuaihliti in a luangmi ram a si.  Isreal mi hna cu Pathian nih Kanaan ram hi a pek ciami ram asi  Nambar 13:1.   f A pekcia komi ram kha zumhnak le luhkhawh ding asi ko ti ruat cuca loin ralchiatnak he mi tampi nih bia an chim lio ah Caleb nih cun  Pathian nih a thimmi hna caah Pathian nih ram nuam ram tha a kan pek khawh ko tiah a zumh caah,  “Ngiatthlai awkah kan hung ṭolmi ram cu ram ṭha hringhran a si ko .  Bawipa  cu kan cungah aa lawmh ahcun hi ram chungah cun a kan luhpi lai i a kan pek lai, cawhnuk le khuaihliti in a luangmi ram a si ko." tiah a chim.  Nambar 14: 7 - 8  . ...
Read more

Zumh Awktlak Nun

Image
Aa thawh i, ‘A tha, nangmah cu saltha na si. Thil hmete ah zumh awk tlak na si caah khua pahra uktu ah kan chiah lai’ ati. Luke 19:17 Dr. Pa Hnin A bawipa nih “saltha" tiah a kawh i khua pahra uktu ah a chiahnak a ruang: A bawi pa nih a khinh mi rian kha i pumpek in a tuan caah;   Phungthuak bia 12:24 Mi teima mi cu tuktu an si lai sihmanhselawh mi thathu cu an thathutnak nih mi sal ah a can ter hna lai. A bawipa nih a pek mi nawl kha tangtor te in a zulh caah; Phungthlukbia 18:12, Toidornak cu upatnak phaknak lam asi. A rian kha dinfelnak le zumh awk tlak te in a tuan caah; Phung 16:8, Dinlonak in hmu mi thil tampi nak cun dinnak in hmuh mi tlawmte a tha deuh.                 Joseh tuanbia (Genesis 37:12-36) hi kan theih tawn lengmang mi asi. Joseph cu a u le nih Egypt ram ah an zuar i, Potifar an ti mi bawi sin ah “Sinum” (servant) sinak in a va phan. Joseph cu Potifar nawlngaihnak ta...
Read more

Zohchun Awktlak Khrihfa Innchungkhar

Image
 Chungkhar hi Pathian nih a sermi asi caah a tha.(Gen 2:22).   Pathian nih a sermi chungkhar ah Amah Pathian hi chungkhar lutlai asi awk asi. Pathian khuakhannak le Pathian duhnak, Pathian Bia nih a chimhning in siloin minung pumpak ruahnak le thiamnak le thil tikhawhnak i rinh menmen in cun chungkhar hi sak khawh asi lo. Bawipa nih inn cu a saklo ahcun, asatu hna riantuannak cu santlailo asi. (Psalm 127:1). Nan innchungkhar sining hi Bawipa pekin nan sakter lo asi ahcun zeitluk nan i zuam len zongah santlai lo asi ko lai. Khuasak tintuknak caah fak tuk in rian ṭ uan le tuan tein thawh i tlaipi ah ih lengmang hi santlailo a si, zeicahtiah Bawipa nih a dawtmi cu, an i hngilh karah,an herhmi kha a pek ko hna (Salm 127:2). Ziah annih chungkhar hi an tuan an tuahnak vialte ah khuaawng an tong hnga, ziah annih an fale hi nawl an ngai i, an thangcho hlei hnga? tiah kan ti tawnmi chungkhar an um. Khuaruahhar awk asilo. Bawipa kha an innchungkhar lutlai ah an chiah hn...
Read more