Cawntlak Caleb Lungput



Moses nih a miphun hna he Kanaan an va luh hlan ah Kanaan ram va ngiatthlai awkah mi thlah hna lakah adang nih lungdongh awk bia lawngte an chim nain, Caleb nih cun, Khulrang in hung kal u sih law, hung umhnawh u sih; zeitintiah ṭha tein kan tei khawh ko lai,”  tiah zumhnak he bia a chim. An va hmuhmi Kanaan ram cu cawhnuk le khuaihliti in a luangmi ram a si. Isreal mi hna cu Pathian nih Kanaan ram hi a pek ciami ram asi Nambar 13:1.  fA pekcia komi ram kha zumhnak le luhkhawh ding asi ko ti ruat cuca loin ralchiatnak he mi tampi nih bia an chim lio ah Caleb nih cun Pathian nih a thimmi hna caah Pathian nih ram nuam ram tha a kan pek khawh ko tiah a zumh caah, “Ngiatthlai awkah kan hung ṭolmi ram cu ram ṭha hringhran a si koBawipa cu kan cungah aa lawmh ahcun hi ram chungah cun a kan luhpi lai i a kan pek lai, cawhnuk le khuaihliti in a luangmi ram a si ko." tiah a chim. Nambar 14: 7 - 8 . A donghnak ah Isreal mi nih Kanaan ram cu an co.

Kan nunnak caah Kaleb sinin zeidah kan cawn khawh?
  1. Thil hi a tha lei in ruah thiam kan herh. Pathian nih kan caah thiltha akan pek khawh ko ti zumh a herh. Caleb nih cun mi tam deuh hmuhning pauh kha a zul sawhsawh lo. Caleb nih cun,  "tha tein kan tei khawh ko lai, Kanaan ram cu ram ttha hringhran asi, cahnuk le khuailiti an a luangmi ram asi" tiah Pathian pekciami ram a thatzia kha a hmuh. Kan nunnak ah thil tha lawngte a cang men lailo nain a cangmi thil hna lakah thil tha tampi a um kha kan hmuh thiam a herh ngaingai. Kan nunnak ah Pathian nih thil tha, thil lianngan can ter a duh. Cucu vanchiatnak si loin thluachuahnak a si lai. Jeremiah 29:11. Nunnak thlichia tilet a san tikah Pathian sinah thla kan cam cio. Pathian nih phun 2 in kan thlacamnak akan leh. 1nk cu nunnak thlichia tilet kha a daih ter. 2nk cu kanmah tu kha daihnak a kan pek. Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna. Rom 8:28
  2. Pathian kan cungah a lawmh a herh. Ahohmanh nih zumhnak loin Pathian lung ton khawh a si lo; zeicahtiah Pathian a fuhmi paohpaoh nih cun, Pathian cu a um i amah a kawlmi cu laksawng a pek hna, ti kha an zumh awk a herh.Hebru 11:6
  3. Kan ral that hau. Khulrang in tei kan maak ahau.Pathian nih ram tha ram nuam Isreal mi kut ah a ap hnik tikah Caleb te Joshua te sinah, "Ṭhawng ngai le ralṭha ngaiin um ko; na thinphang hlah, na lung zong dong hlah; zeicahtiah Bawipa na Pathian cu khuazeika na kalnak hmanh ah na sinah a um ko,” tiah a ti Joshua 1:9. Pathian nih ka caah thil tha a ka timh piak tiah zumhnak kan ngeih ahcun ralttha tein hmai lei kan fong a herh. Pathian nih kan caah timhlamhnak tha a kan ngeih piak ti zumhnak kan ngeih i kan ral a that ahcun thathut ding asi lo. Pathian nih kan timhpiak mi co awkah khulrang in tei kan mak ahau. Caleb nih cun Khulrang in hung kal u sih law, hung umhnawh u sih; zeitintiah ṭha tein kan tei khawh ko lai,” ati i Isreal mi nih Kanaan an co. Kan chan hi khulrang tukin a kal cang caah teinak hmuh kan duh ahcun khulrang in kan cawlcangh ahau. Cu lawnglawng ah teitu kan si kho lai.
Thil vialte hna chung hin a kan dawtu thawngin kannih cu teitu hna nakin teitu kan si deuh. Rom 8:37

Kan Bawipa Jesuh Khrih thawngin teinak a kan petu Pathian cu thangṭhat si ko seh. 1 Kor 15:57 

Comments

Popular posts from this blog

Zohchun Awktlak Khrihfa Innchungkhar

A Sunglawimi Thangthat Awktlak Thluachuak NU