Amah Cu Kan NU Asi.

Baibal caang: Galati. 4:28-31

Biadomnak:
 
Pathian samhrisih kan timi hi asitaktak i a um taktak mi asi ko. Cucu Nungak le tlangval pakhat le khat i duhnak le i tlaihchannak men i a ra mi asi lo. Aa duh ngai mi le aa uar ngai mi hna khi “Samhrisih” an si ti ding an si theng lo.

Genesis 2:21, 22 ah Pathian nih “PA cu a mit a kuhter, thuh hluahmah in a hngilhter i ‘Operation’ a tuah mi hi PA hnakruh in serh mi ‘NU-EVE’ le ‘PA-ADAM’ samhri asih hna a si ko. Cun PA sinah NU a kalpitu cu Pathian amah hrimhrim kha asi. Cu hnu longah PA nih:

-          Kei mah phun taktak

-          Ka ruh in lak mi ruh

-          Ka sa in lak mi sa 

a ti i a cohlan. A min ah “NU” siseh tiah PA nih a chim cu “KA NUPI” a si tiin Pathian kut in a rak cohlannak kha a si. Cu caah Pathian samhrisih kan ti mi cu: Pathian duhnak le khuakhannak aa tel mi phung ningin dirh mi chungkhar le nuva sinak kha a si.

Galati. 4:21-31 chung bia nih a kan hmuh sak mi cu: Fanu fapa hna a kan hrintu nu hna nih zei bantuk phung in dah an kan hrin i zei bantuk nu hna nih hrin mi fanu fapa dah kan si ti hi a langhter.

Paul i a Theology chim fianhnak ah phun (2) in a langhter i a tahchunh kha kan hmuh.

Pakhatnak ah Nawlbia tangah a um mi le Nawlbia lengah a um mi tiin a langhter. A sullam cu a nupi pahnih hna lakah khan (1) A luatmi nupi le (2) a luat lo mi nawlbia tangah a um mi nupi tiin a kan then piak.


Phunhnih i a then hna tikah tuchan zumhnak a si lo ah Paul i a hmuh ningah cu nupi pahnih hna cu: Pathian hmuh ningah le minung mipi hmuh ningah dirh hmun an ni khat lo tiin a langhter fawn.


Nihin zumhnak hma a kal tuk mi chan le chan tiluang a fak tuk mi ramtlang ah kar a hlan cuah mah mi mipi zumhnak,pawmdan le nunningah zei dah kan dirhpi cio vei hnga? “A ho deuh hi dah kan nu” sisehlaw naa thim deuh hnga?

Abraham nih fapa pahnih a ngei mi hna ah khan: pakhat cu Salnu (aluat lo mi) nupi nih a hrin piak i a dang pakhat cu Nawlbia leng ah a um mi (aluat mi) nupi nih a hrin piak mi a si tiin a langhter.

Cun ngakchia an hrinning hi an i khat lo ning in a langhter than.

Salnu (aluat lo mi) nu nih cun a fapa kha “hawiphung ning cio ah hrin mi” a si i a dang a luat mi nu nih fapa a hrin ning cu “Pathian biakamnak thawngin” hrin mi fapa a si. Mah zawn ahhin Paul nih “Hawiphung ningin hrin mi” le “Pathian Biakamnak thawngin hrin mi” tiah fiang tein phunhnih ah a then hna.

Pathian Biakamnak Thawngin Hrin mi biafang le Hawiphung Ningin Hrinmi ti mi biafang hna nih nihin Khrihfa mi kan dirh hmun le kan i thim deuh awk lam a kan fiangter chinchin.

(Hagar nih Abraham fapa a hrin piak mi cu Abraham le Sarah thinlung in a chuak mi a si i an lak ah Pathian biakamnak aa tello)

3   Hagar (aluat lo mi salnu) cu Sinaitlang sal sinak chung i khua a sa mi hna kha a sawh i, Sarah (aluat mi nu) nih Van Cung Jerusalem kha a sawh duh i a mah cu “Kan Nu” cu a si tiah a ti.

Isak cu Pathian biakamnak thawngin hrin mi Pathian fapa a si i, Ismel cu Hawi phung kel in hrin mi fapa a si pinah Pathian Thlarau thawngin hrin mi fapa kha a sersat tu a si tiah kan hmuh.

Cu ban tuk cu tuchan kan nih zumhtu hna zong:

-          - Pathian Biakamnak thawngin hrin mi le

      - Hawi phung kel in hrin mi hna hi a zei ban tuk, a ho ban tuk hna dah an si ti hi kan  ni fiang taktak a herh.

Zei ca tiah Pathian biakamnak tel loin hrin mi fa hna le vulei phung hawi kel sawhsawh in hrin mi fanu fapa hna cu Pathian hmai ah an dirh ti kho lai lo caah Sal nu le a fapa cu thawl an si hna a ti. 

Nihin kan ram le kan mi phun chungah le Pathian kanpa hmai ah phun tungtu dirh hmuh kan phak kho dingah Khrih Jesuh thawngin a luat mi “Kan Nu” le Pathian Biakamnak Thawngin Hrin mi thluachuah Rosung fanu fapa kan herh hna.

Cung Patian nih Kan miphun le kan Khrihfabu chungah Pathian Biakamhnak Thawngin dirh mi chungkhar le Pathian Biakamhnak Thawngin Hrin mi fanu fapa  thluachuah tampi kan pe chin hram ko seh!

Comments

Popular posts from this blog

BAIBAL ZEITINDAH KAN REL LAI?

Zohchun Awktlak Khrihfa Innchungkhar

A Sunglawimi Thangthat Awktlak Thluachuak NU