Hlawhtlinnak ( ေအာင္ၿမင္ၿခင္း)

Hlawhtlin na duh maw? Khuaawng ton na duh maw? Na chunmang vialte a taktak in co na duh maw?

Matthai 6:33 ah, " Zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai" ati.

Kan chan hi aa thlen aran tuk caah mi tampi nih thancho hlawhtlinnak dawi-in chun he zaan i manh lo ngaingai in kan um. Cu tikah kan zumhnak thazaang caah caan kan pe kho tawn tilo. Nifa nunkhuasaknak ding caah chukcho ah kan kal, rian kan tuan. Kan herhbau caah hehchet tiah zaangba ngaiin kan tuan. Asinain, caan a theng lengmang mi chungah kan nun hi a zei pipa aa thlei fawn lo. Kan Bawipa biak hmanh kan philh caan a tlawm tilo.

A ngaingei le ataktak ti ah cun Pathian Bia i nunpi le Pathian chimhmi zulh kha Khuaawng Tonnak asi. Pathian lungthin theihkhawh nakding ahcun Pathian nawl i cawn ahau, a bia theih ahau.

Joshua 1: 8 ah, " Hi phungbia cauk nih hin na kaa kha chuahtak hlah seh; sihmanhsehlaw a chungah aa ṭialmi vialte ningin tuah awkah ralring tein na um nakhnga, chunzan in mah cucu na ruat lai; zeitintiah khi tikah na lam kha na tluanter lai i khi tikah khua awng na tong lai." ati.

Salms 19: 7- 10 ah, "Bawipa phung cu a ṭhat a tling, nunnak thar petu a si. Bawipa nawlbia cu bochan awk a tlak, fimnak a baumi fimnak petu a si. Bawipa phunglam cu ahmaanmi an si, cu phunglam a zulmi cu an lung aa lawm. A nawlbia cu dinnak leiah a tlingmi an si i hngalhthiamnak lungthin pe khotu an si, Bawipa biak cu a ṭha, cu biaknak cu zungzal in a hmun lai. Bawipa biakhiahnak cu an ding, zungzal in ahmaanmi an si. Sui nakin duh deuh awk an si, sui thiang bik phun nak hmanh in duh deuh awk an si, Khuaihliti nakin an thlum deuh, khuaihliti thiang bik nakin an thlum deuh." ati. 

Phungchimtu 2:26 ah, "Pathian nih a lung a tongtu hna kha cu, fimnak le hngalhnak le lawmhnak a pek hna" ati.

Hlawntlinnak taktak cu Pathian ah a um. Pathian caah caan pek hmasat ahau. A bia ngaih le theih le zulh hmasat cu ahau.