VIP Si Kan Duh Maw?

VIP timi cu Very Important Person ti asi i mi biapi ngaingaimi tinak asi. VIP pawl hi an um kalnak khuika pauh ah cawnglawmh le cawisan an tong peng. Mi nih an rak upat, an tihzah. An um kalnak kipah mithmai ttha an hmuh. 

Pathian hmai le minung hmai ah VIP si khawh nakding ah thil phun 3 kan herh. 

V = Vision
Pathian hmai le minung hmai ah a puitlingmi hman awktlal minung si khawh nakding ah VISION an ka herh. Kanmah pumpak thanchonak ding caah vision kan herh bantuk in, kan chungkhar le kan miphun le ram caah VISION kan ngeih a herh. VISION kan ngeih i Zumhnak nih a zulh ah cun Pathian nih kan caah a tthami VISION cu fiang chinchin le piangte in a kan hmuhter lai i kan hlawh a tling deuh ngai hna. VISION um loin cun ning cang tein khuasak khawh phung asi tawn lo. Pathian nih a hruai lomi miphun cu ningcang loin khua an sa. Pathian nawlbia a zulmi cu lunglawmmi an si. ( Phungthlukbia 29:18)

I = Integrity  
Ding tein a kalmi cu him tein a kal, sihmanhsehlaw a lam kha a ningcang loin a tuahmi cu a langh lai.tiah Phungthlukbia 10:9 nih cun ati. Dinfelnak le Biatak hi Pathian hmai le minung hmai ah hlawhtlin a duhmi nih i tlaihchih awk hrimhrim asi. A ding felmi mitha hna cu anmah chan lawng silo an tefa chan tiang nih thlachuah an co. Phungthlukbia 20:7 nih "Mipa cu a nunning kha a din i a ṭhat ahcun, a hnu i a tefa hna cu thluachuakmi an si ati. Dinfelnak hrimhrim hi a piangtharmi hna caah Pathian nih apekmi Rosunglawi asi ko caah dinfenak hrimhrim hi thlachuah sunglawi tuk asi cang. Dinfelnak kan timi hi thil ngan pipi ah asicolh leem lo. Nifa kan nunnak i kan tuah tawnmi thil hmetete in aa thok. Zing zaan le chun rawl kan ei hlan ah Pathian sin lawmhnak kan chimh maw? Thil pakhatkhat kan hman tikah amaah zawn te ah kan chiah tthan maw? Zungput kan kai tikah ttha te le thiang te in ti kan toih ta maw? tbk tete tiang khat aa tel dih ko. Thil hmete ah zumhawktlak a simi cu thil ngan zongah zumhawktlak an si tawn, thil hmete ah a hrokhrawlmi cu thil ngan zongah an hrokhrawl tawn. (Luka 16:10)

P = Prayer, Purpose 
Thlacam cu akan ngeitu Pathian sin siaherh lungduh biaza phai tti hi asi.  Kan i lawmhnak bia, ngaihchiatnak bia, kan ttahnak aw, kan phunzaainak, kan biathli vialte Pathian hmaiah kan thinlung chungbia ti bang bung riangmang in kan phuannak hi asi. Phundang in chimh ahcun thlacam cu Pathian he kan i pehtlaihnak asi. Thlacam timi cu Pathian bia kha kan chungah a nun i, kannih zong Pathian chung ah kan nunnak a langhnak hmual asi caah Khrih i fa - Khrihfa aho pauh nih thlacam cio ding asi. Pathian he aa pehtlai lomi nih hlawhtlinnak taktak an hmu kho lo. 
Kan i timhnak vialte hi Pathian nih akan duh piakmi asi ahcun hlawhtlinnak ttha ah an cang ve lai. Timhnak Nih a Hruaimi Nunnak ( The Purpose Driven Life) cauk chungah Rick Warren nih "Zei ruangah dah hi vawlei ah ka chuah/nun? Ka nunnak hi zei caah dah asi? Ka nunnak hi a muitinh hiteh zei ko dah asi? tbk pawl a ttial i, aa cauk muru cu Pathian nih hin kanmah pakhat cio caah timhnak ttha, thlachuah ttha, nun man ngeihnak ding lam ttha a kan sial piak i cucu kan theih ahau ti hi asi. 
Kan nunnak caah Pathian nih akan tinh piak ningin chunmang kan ngeih i dilfel te in Pathian he i pehtlai in Pathian timh piakmi lam tha kan zulh khawh ahcun Pathian hmai le minung hmai ah VIP kan si kho cio dih ko hnga.

 

Comments

Post a Comment

Popular posts from this blog

Cawntlak Caleb Lungput

Image
Moses nih a miphun hna he  Kanaan an va luh hlan ah Kanaan ram va ngiatthlai awkah mi thlah hna lakah adang nih lungdongh awk bia lawngte an chim nain, Caleb nih cun,  “ Khulrang in hung kal u sih law, hung umhnawh u sih; zeitintiah ṭha tein kan tei khawh ko lai ,”   tiah zumhnak he bia a chim. An va hmuhmi Kanaan ram cu  cawhnuk le khuaihliti in a luangmi ram a si.  Isreal mi hna cu Pathian nih Kanaan ram hi a pek ciami ram asi  Nambar 13:1.   f A pekcia komi ram kha zumhnak le luhkhawh ding asi ko ti ruat cuca loin ralchiatnak he mi tampi nih bia an chim lio ah Caleb nih cun  Pathian nih a thimmi hna caah Pathian nih ram nuam ram tha a kan pek khawh ko tiah a zumh caah,  “Ngiatthlai awkah kan hung ṭolmi ram cu ram ṭha hringhran a si ko .  Bawipa  cu kan cungah aa lawmh ahcun hi ram chungah cun a kan luhpi lai i a kan pek lai, cawhnuk le khuaihliti in a luangmi ram a si ko." tiah a chim.  Nambar 14: 7 - 8  .   A donghnak ah Isreal mi nih Kanaan ram cu an co. Kan nunna
Read more

Zohchun Awktlak Khrihfa Innchungkhar

Image
 Chungkhar hi Pathian nih a sermi asi caah a tha.(Gen 2:22).   Pathian nih a sermi chungkhar ah Amah Pathian hi chungkhar lutlai asi awk asi. Pathian khuakhannak le Pathian duhnak, Pathian Bia nih a chimhning in siloin minung pumpak ruahnak le thiamnak le thil tikhawhnak i rinh menmen in cun chungkhar hi sak khawh asi lo. Bawipa nih inn cu a saklo ahcun, asatu hna riantuannak cu santlailo asi. (Psalm 127:1). Nan innchungkhar sining hi Bawipa pekin nan sakter lo asi ahcun zeitluk nan i zuam len zongah santlai lo asi ko lai. Khuasak tintuknak caah fak tuk in rian ṭ uan le tuan tein thawh i tlaipi ah ih lengmang hi santlailo a si, zeicahtiah Bawipa nih a dawtmi cu, an i hngilh karah,an herhmi kha a pek ko hna (Salm 127:2). Ziah annih chungkhar hi an tuan an tuahnak vialte ah khuaawng an tong hnga, ziah annih an fale hi nawl an ngai i, an thangcho hlei hnga? tiah kan ti tawnmi chungkhar an um. Khuaruahhar awk asilo. Bawipa kha an innchungkhar lutlai ah an chiah hna i chungkhar
Read more

Zumh Awktlak Nun

Image
Aa thawh i, ‘A tha, nangmah cu saltha na si. Thil hmete ah zumh awk tlak na si caah khua pahra uktu ah kan chiah lai’ ati. Luke 19:17 Dr. Pa Hnin A bawipa nih “saltha" tiah a kawh i khua pahra uktu ah a chiahnak a ruang: A bawi pa nih a khinh mi rian kha i pumpek in a tuan caah;   Phungthuak bia 12:24 Mi teima mi cu tuktu an si lai sihmanhselawh mi thathu cu an thathutnak nih mi sal ah a can ter hna lai. A bawipa nih a pek mi nawl kha tangtor te in a zulh caah; Phungthlukbia 18:12, Toidornak cu upatnak phaknak lam asi. A rian kha dinfelnak le zumh awk tlak te in a tuan caah; Phung 16:8, Dinlonak in hmu mi thil tampi nak cun dinnak in hmuh mi tlawmte a tha deuh.                 Joseh tuanbia (Genesis 37:12-36) hi kan theih tawn lengmang mi asi. Joseph cu a u le nih Egypt ram ah an zuar i, Potifar an ti mi bawi sin ah “Sinum” (servant) sinak in a va phan. Joseph cu Potifar nawlngaihnak tangah mah sining i hngalh but e in a thut dir i, a hmaikaa i a um mi rian p
Read more