I Pehtlai

Na bia cu ka ke caah meiinn a si i, ka lam ah ceunak a si. Salm 119:105.

Zingkhat cu ka tho i ka internet connection nih rian a ttuanlo kha ka theih. Remthiam pawl nih an zoh i ka modem thlen ahau i a tuan bik ah nikhat hnu lawngah a ngah lai an ka ti.
Nazi 24 chung taktak internet lo i um ding ka ruah tikah ka lua pah ngaite.Zeitinhme asi khawh ne lai? ka ti.

Cun, " Pathian he kan i pehtlaihnak nikhat chung cat sehlaw teh zeiko dah ka lawh hnga?" tiah ka ruat fawn. Pathian he kan i pehtlaihnak hi Amah bia reelnak le thlacamnak thawngin asi. Cu ti lawnglawng ah a Bia lawng a theitu siloin "A tuahtu" kan si kho lai. (James1:22-24).


Psalm 199 cattialtu nih Pathian he i pehtlaih zeitluk indah abiapit kha a hngalh. Pathian sinah a phunglam cawn piak ding le hngah khawhnak pek dingah a nawl (Salm 119:33-34). Cun, a lungthin a dih umnak in zulh zungzal ding, santlai lo thil kha zeipipa ah reel sual lo dingah thla a cam fawn. (cang 35-37). Pathian bia ruah zungzal le zulh zungzalnak thawngin Salm catialtu cu Pathian he aa pehtlai.

Pathian nih a bia cu kan ke caah meiinn, kan lam caah ceunak siding ah akan pek.

A ka khamtu Khrih lungput kha
Nifa ka chungah nung sehlaw
Ka tuah ka chimhmi vialte
A lianganmi a vel le a sungmi a dawtnak thawngin siseh —Wilkinson

Na thalrau battery tha caah, a Hram (Jesuh) sinah i peh.

June 13, 2013 "Our Daily Bread" chung i Saya Hia Chek Phang nih a tialmi "Stay Connected" lehchommi asi.

Comments

Popular posts from this blog

Zohchun Awktlak Khrihfa Innchungkhar

A Sunglawimi Thangthat Awktlak Thluachuak NU

Pathian Kan Sinah A Um