Min Aa Auh Tikah Kei Zong Ka Um Ve Lai


Voikhat cu Young People' Society haotubik J.M.Black nih kum hleili hrawng asimi mi sifak zuudingpa fanu cu ahmuh i an sin ah i telve ding le Sunday School rak kai ve dingah a sawm. Cu hngakchianu zong cu Sunday School ttha te'n arak kai ve. Cu Sunday school ah cun zhar chiar min auh asi. Nikhat cu min an auh tikah cu hngakchia nute cu a um lo ai. 
Hngakchianu a min an auh lio i a umlomi ruangah Mr. J. M. Black nih Vancung ah min an auh tikah kan um lo sual ding hi ttih anung tuk ee tiah phung a chim. Hi kong he aa pehtlaimi hla sak dingah a kawl peng nain a hmu kho lo.  " Maw Pathian, Vancung ah min an auh tikah kei zong um ve ka duh ee" tiah thlacamnak in pumhnak a dongh ter. 
Hnakchianu te cu a hnu ah an inn ah ava leen tikah Pneumonia zawtnak ruangah thideng mang in ihnak cung i arak um ko khah a hmuh tikah sibawi a uah piak. 
Hngakchianu inn in arak tlun lei ah Vancung ah Min an kan auh tikah kan um kho ve cio hnga maw aw? tiah khua a ruat lengmang i a inn a phanh tikah hi a khuaruahnak vialte hla in a tuah. 
Zungzal Nunnak timi hi phun 2 a um. Vanram i zungzal nunnak, asilo ah Bawipa Jesuh Khrih he aa pehtlaimi nunnak le Hell chung i zungzal nunnak, Setan he aa pehtlaimi nunnak an si. Sualnak man cu thihnak a si, sihmanhsehlaw Pathian laksawng cu zungzal nunnak a si i cu nunnak cu kan Bawipa Jesuh Khrih he aa pehtlaimi nunnak a si (Rome 6:23). Pathian nih a kan zaangfahnak cu a tam tuk i a kan dawtnak cu a ngan tuk hringhran caah  a nawl kan ngaih lo ruang i thlarau lei in kan thih ko lioah khan Khrih sinah cun a kan nunter. Khamh kan sinak cu Pathian vel thawngin a si. Khrih Jesuh he kan i pehtlaihnak thawngin vancung khua i amah sin i uktu si ve dingah, amah he cun a kan thawhter.  (Efesa 2: 4-6) Jesuh cu ka Kham Bawi asi tiah ka kaa in kan phuan i keimah sualnak ruangah thihnak a ing, sihmanh seh thihnak in a tho tthan tiah kan thinlung chungin kan zumh taktak ahcun Khamhnak cu kan co. Zeicahtiah kan lung in kan zumh i Pathian he i remnak kan hmuh; kan kaa in kan chim i khamh kan si. Cathiang nih, "Amah a zummi paoh cu ningzahnak an ing lai lo," tiah a ti. Pathian cu kan dihlak Bawipa a si i amah a zummi paoh cu thluachuahnak tampi in a pek ko hna. (Rome 10: 9-13)
Bawi Jesuh A tum than tikah vancung muko kan theih lai, zungzal in ceunak ni bangin a tlang lai.
Khamhnak a hmumi vialte he vancung ah kan u hmu lai
Min an auh tikah kei zong ka um ve lai. (Khrihfa Hlabu 164)


Comments

Post a Comment

Popular posts from this blog

Cawntlak Caleb Lungput

Image
Moses nih a miphun hna he  Kanaan an va luh hlan ah Kanaan ram va ngiatthlai awkah mi thlah hna lakah adang nih lungdongh awk bia lawngte an chim nain, Caleb nih cun,  “ Khulrang in hung kal u sih law, hung umhnawh u sih; zeitintiah ṭha tein kan tei khawh ko lai ,”   tiah zumhnak he bia a chim. An va hmuhmi Kanaan ram cu  cawhnuk le khuaihliti in a luangmi ram a si.  Isreal mi hna cu Pathian nih Kanaan ram hi a pek ciami ram asi  Nambar 13:1.   f A pekcia komi ram kha zumhnak le luhkhawh ding asi ko ti ruat cuca loin ralchiatnak he mi tampi nih bia an chim lio ah Caleb nih cun  Pathian nih a thimmi hna caah Pathian nih ram nuam ram tha a kan pek khawh ko tiah a zumh caah,  “Ngiatthlai awkah kan hung ṭolmi ram cu ram ṭha hringhran a si ko .  Bawipa  cu kan cungah aa lawmh ahcun hi ram chungah cun a kan luhpi lai i a kan pek lai, cawhnuk le khuaihliti in a luangmi ram a si ko." tiah a chim.  Nambar 14: 7 - 8  . ...
Read more

Zumh Awktlak Nun

Image
Aa thawh i, ‘A tha, nangmah cu saltha na si. Thil hmete ah zumh awk tlak na si caah khua pahra uktu ah kan chiah lai’ ati. Luke 19:17 Dr. Pa Hnin A bawipa nih “saltha" tiah a kawh i khua pahra uktu ah a chiahnak a ruang: A bawi pa nih a khinh mi rian kha i pumpek in a tuan caah;   Phungthuak bia 12:24 Mi teima mi cu tuktu an si lai sihmanhselawh mi thathu cu an thathutnak nih mi sal ah a can ter hna lai. A bawipa nih a pek mi nawl kha tangtor te in a zulh caah; Phungthlukbia 18:12, Toidornak cu upatnak phaknak lam asi. A rian kha dinfelnak le zumh awk tlak te in a tuan caah; Phung 16:8, Dinlonak in hmu mi thil tampi nak cun dinnak in hmuh mi tlawmte a tha deuh.                 Joseh tuanbia (Genesis 37:12-36) hi kan theih tawn lengmang mi asi. Joseph cu a u le nih Egypt ram ah an zuar i, Potifar an ti mi bawi sin ah “Sinum” (servant) sinak in a va phan. Joseph cu Potifar nawlngaihnak ta...
Read more

Zohchun Awktlak Khrihfa Innchungkhar

Image
 Chungkhar hi Pathian nih a sermi asi caah a tha.(Gen 2:22).   Pathian nih a sermi chungkhar ah Amah Pathian hi chungkhar lutlai asi awk asi. Pathian khuakhannak le Pathian duhnak, Pathian Bia nih a chimhning in siloin minung pumpak ruahnak le thiamnak le thil tikhawhnak i rinh menmen in cun chungkhar hi sak khawh asi lo. Bawipa nih inn cu a saklo ahcun, asatu hna riantuannak cu santlailo asi. (Psalm 127:1). Nan innchungkhar sining hi Bawipa pekin nan sakter lo asi ahcun zeitluk nan i zuam len zongah santlai lo asi ko lai. Khuasak tintuknak caah fak tuk in rian ṭ uan le tuan tein thawh i tlaipi ah ih lengmang hi santlailo a si, zeicahtiah Bawipa nih a dawtmi cu, an i hngilh karah,an herhmi kha a pek ko hna (Salm 127:2). Ziah annih chungkhar hi an tuan an tuahnak vialte ah khuaawng an tong hnga, ziah annih an fale hi nawl an ngai i, an thangcho hlei hnga? tiah kan ti tawnmi chungkhar an um. Khuaruahhar awk asilo. Bawipa kha an innchungkhar lutlai ah an chiah hn...
Read more