Bawipa Cu A Tha

Bawipa hi zei tluk in dah a that ti kha nan mah te in va kawl cio hmanh u,a mah chung ah him te in a um mi cu  a lung a lawm. Salm 34:8
Cu nih cun a fiantermi cu, Pathian hmaiah cun ahohmanh an i porhlaw kho lo, ti hi a si. 30Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si. 1Kor 1:29-30

Rev. Pa Hrang Hmung
Tuni  ahhin taksa thinlung dihlak in nan kut kan tlaih dih hna. Zei ca ah tiah Bawipa cu a tha,i a thawng fawn.Kum le caan cu an liam lengmang ko nain a kan kal pi ko. Tuzing caan ah hin Bawipa cu zeitluk in a that ti kha mah te in kawl cio ding a si. Kum an liam i ka caah cun kum a thlum chin.

Abraham nih Sodom le Gomorrah  ca ah zangfah a nawl lio ah,Bawipa kei cu ledip le vutcam men si ko hmanh ning law,Bawipa nangmah cu ngamh ngai in ka chawnh hi ka ngai thiam ko.Mi hrut bantuk in ka um lio can zong ka duh nak na hngalh.A si kho lo ding mi kan hal zong ah a si kho bik tiang khi lung sau in na ka ngaih piak, a ti bantuk in mi hrut bantuk in,a mah hmai ka ah rungrul le cang cel bantutluk hmanh san tlaih nak a ngei lo hi zei  ruang ah dah hi tluk  hin ka cung ah hin a that hnga i a thawn nak hi a  langhter hnga.Salm ca tial tu nih “minung hi zei dah a si i na hnak kar ah na tenh?minung men men a si mi hi zei dah a si i a zawn an ruah ti mi hi ka ruat.(Salm 8:4) A ti ban tuk in ka ruat ve.

U le nau hna Bawipa nih 2012  zei tin dah na cung ah a tuah ti kha nan mah te in ruat cio hmanh uh.Rel cawk a si lai lo.Khua ruah har  a si.Hmuh awk  kan i tlakning in dan a kan tat lio.Mi sual kan si ko lio ah ,kan sual nak cu kan mah he a hlat nak ah a kan thial piak.Bawi pa cu a tha dawt nak cu zungzal in a hmun.Zumh awk tlak a si nak cu chan vialte tiang a hmun.Vawlei cung ah deuh hmang lo in zumh awk tlak cu Pathian lawng a si.Kan hruh lio ah kan fim nak ca ah khrih cu a kan pek i  a kan fim ter.(1Kor 1:29)Kan sual ruang ah  kan nun khawh nak hnga zeihmanha tuah kho mi kan si lio theng te ah ah khrih cu kan ca ah a thi.(Rom 5:6)A sual cia mi ka nun nak cu khrih he vailam tah nak khenh chih  kan si cang ti kha kan hngalh .A thih nak ah kan sual nak he kan thih ve cang ca ah,nun nak ah thawh ter than a si nak ah a mah he kan tho than ve.Kan thih tik ah a thu  a man i a mui a chia mi kan si.A si na in kan thawh than tik ah cun ser thar mi kan si cang.Pathian co hlang awk tlak kan si cang.Kan i dawh cang.kan thi than ti lai lo.Voikhat ah za lak in a kan tlanh cang.Do tla kan si cang.A fa ah rel chih kan si cang.ro co tu kan si cang.Nun nak ca uk chung ah min tial kan si cang.vancung member kan si cang.Haleluihah,Bawipa min thangthat si ko seh.Zei ca ah tiah a mah cu a tha.A mah cu a thawng.Vawlei cung ah a mah a tei ding an um lo.

Vawlei cung Satan pen nak ramcung  kan um lio ah, him te in kan um nak hnga a pa Pathian sin ah a kan hal piak.(Johan 17:14-17)A kan um pi tu a kan hruaitu a kan cawmkengtu ah Thiangthlarau a  kan pek rih,Hi vawlei tih a nun nak hmun,nun zong kan tih,thih zong kan tih,ral lak ah kan um,him nak a um kho lo.Cu chung kan um lio ah vancung mi nih  kan phorh mi thawngtha bik cu tih hlah uh  ti hi a si.Zachariah sin zong ah ti hlah ti a si.Mary zong ti hlah ti a si.Tu khal hna sin zong ah tih hlah ti  a si.Lam kal tu sin ah  nan thin phanghlah uh ti a si.Ni hin kan ca ah thawng tha bik cu vawlei ah tih ding mi kan ngei ti lo.Thih zong kan tih lo,Nun zong kan tih lo.Satan zong kan tih lo.Sifah zong kan tih lo.Rum zong kan tih lo.zei ca ah tiah vawlei nih har nak an pek hna lai,si hmanh seh law,tih hlah uh,vawlei ka tei cang,(Johan 16:33)Tei cia kan si cang.Vawlei ah daih nak um ko seh.Daite in um ko uh,Hna ngam te in um ko uh.Zei ca ah tiah Bawi pa cu a tha.Thiltha lo nih na cung ah nawl ngeih khawh nak a ngei ti lo.Haleluiah teitu ka si.Tih mi ka ngei ti lo.

Vawlei cung ah Pathian tluk in a thawng mi an um hnga maw. Hitler maw, Napoleon maw, Sadam Hussein  maw na chuah pi hnga.A tu an thawn nak khoika dah an um cang.An thih hnu ah a loh ko tung. A zung zal a thawng mi cu Pathian pakhat lawng a si .A thawng chin leng mang.Pathian cung ah a ho hmanh an um kho lo.Pathian nih a tei dih hna.Thil man zei zat a kai i kan ram a har zong ah ,thil man kai nak nih Pathian rum nak a lonh kho hrim hrim lo.Thil man zei zat  a kai zong ah Pathian a cung ah a um peng.Pathian min thangthat in um ko seh.A chan a dih kho lo.Sungh ti a um kho lo.Bawi pa cu a tha hringhran. Zei zong vialte a kan tei piak.

Cu ca ah Salm 103 ah “ Maw ka nun nak Bawipa cu thangthat tuah.A mah le a  mah kha Bawipa thangthat a fial.A mah te in a cung ah Bawi pa that nak a kawl.Ka sining vialte a ti rih.A si ning vialte ah Bawi pa a tel lo nak a um lo kha a hngalh.Bawipa a thlak lo nak a um lo ti kha a hngalh.Cu ca ah ka si ning vialte nang mah cu Bawipa kha thangthat ko.A sun par nak ca ah ser mi na si a ti khawh nak hi a si.Ka zawt nak a ka damter.2012 kum chung na zawt nak chung in an dam ter tu a ho dah a si.Na ven khawh nak ruang ah a si maw.Ven khawh cu chimh hlah zei tin dah ka nun ti hmanh ka ruah khawh lo lio ah hin kum khat a ka liam pi tu cu Pathian dah lo cu a ho hmanh a si hrim hrim lo.Thlanchung in a ka khamh.2012 chung ah na pawng ah thlan mual a liam mi pa zei zat dah an um.Vawlei cung ah pa zei zat dah an um .Minute le second pakhat chung vawlei cung ah Pazei zat dah an thi.Ni hin kum dih tiang a tu tiang a nun ter tu thlanchung in an khamh tu cu a nungmi  Pathian a si ko .Zei ca ah tiah Bawipa cu na cung ah a tha.Ka no peng i mupi bantuk in ka thawng a ti. Na kum a tam deuh zong ah na ruah chan nak a karh ter,Kan zumh nak a karhter.Tha zang thar a kan pek.Ruah nak thar a kan pek.Fim nak kan i chap deuh.Cu ca ah kan nopeng i Mupi bantuk in a kan thawn ter.Zei ca ah tiah Bawipa cu a tha a min thangthat in a um ko seh.

Cu ca ah nang mah le kei mah hi kan i porhlawt awk a um ti maw.Kan si ning tu ah Bawi pa a kan telh pi ruang ah kan tuah khawk mi tu hi kan i porhlawt awk a si hnga  lo maw.Bawipa ruang ah,a ka um pi ruang ah,a ka dawt ruang ah,a sun parnak ca ah a si,ti in nan nun chung in a chuah awk a si.Zei ca ah tiah Bawi pa cu a tha.ZBC hla 75  nak Khua ruah har a vel(Amazing Grace) ti mi hla a phuah tu pa John Newton hla kha rel hnik,sak hnik.Pathian nih 2012 chung  i a kan co ter mi a vel cu a ngan tuk a thlum tukA that nak cu ka nun nak ah a liam in a liam.Zei ca ah tiah Bawi pa cu a tha.
U le nau hna,2013 luh lai zong hi tih hrim hrim hlah.Thazangthar,ruah nak thar,lawmhnak thar,thluachuah thar,fimnak thar,rumnak thar, he Pathian nih an lut pi rih lai.Lawmh nak le thangthat nak sak in 2013 cu lut tuah uh sih.Pathian nih thluachuah pek ko seh.Amen. Haleluiah.

Comments

Popular posts from this blog

Zohchun Awktlak Khrihfa Innchungkhar

A Sunglawimi Thangthat Awktlak Thluachuak NU

Pathian Kan Sinah A Um