Dawtnak Le Ngaihthiamnak

Zeidang vialte nakin, pakhat le pakhat lungtak tein i daw u, zeicahtiah dawtnak nih cun sualnak tampi kha a khuh khawh. (1 Peter 4:8)

Cun midang duhning kha hmuh thiam i zuam u law nanmah duhnak lawng kha ruat hlah u. (Filipi 2:4)


Voikhat cu sibawipa pakhat cu Emergency case a um caah phone an rak auh i rianrang tein a thil aa thleng i sii-inn lei ah a tli colh.

Sii-inn chungah khurrang nawn pi in a lut. Arak luh le cangka pacangpa pakhat nih, " Ziah hitluk cun na tlai? Ka fapa a thi dengmang hi na thei lo maw? Midang cungah zaangfahnak thinlung apelte tal na ngei lo maw?" tiah arak ah hnawh.

Sii-bawipa nih cun hmai panh tein , " Ka ngaithiam hram ko ka pu. Sii-inn ah ka um lo i, atu zong cu phone in an van ka auh le cangka rianrang tein ka rak ra. Lungdai deuh te khin rak umlaw na fapa cu a ttha bikin kan thlop piak lai mu" tiah aleh.

"Lungdai te in rak um na van ka ti maw cu? Nangmah na fapa hi bantuk in sive sehlaw zeitin dah na um ve hnga?" tiah putar pa nih sii-bawi pa cu a raak chih. 

"Bible chung zongah Job nih, "Ka nu paw chungin taklawng in ka chuak i taklawng in ka kir ṭhan lai; Bawipa nih a ka pek i Bawipa nih a lak ṭhan; Bawipa min cu thangṭhat si ko seh,”(Job 1:21)" ati kha teh. Sii-bawi nih cun minung nunnak hi kan sau ter deuh kho lo. Na fapa caah thla va cam ve law, kanmah zong nih a ttha bikin kan in thlop piak lai mu" tiah sii-bawipa nih cun hmaipanh tein a leh thiamthiam.


"Nangmah nih na ton taktak lomi thil cungah bia dawh chimh cu a fawi tuk henta" tiah putar pa nih lungtling lo ngai in a zaaihnawh thiamthiam.

Hngakchia pate cu caan zeimawzat an thlop i, sii-bawi pa cu hmaipanh te in arak chuak.

"Bawipa a ttha, na fapa nunnak cu kan khamh khawh, adang na theih duhmi a um ahcun sii-sayama te rak hal te mu" tiah putar pa cu a chimh i rang nawn tein a tli diam.

"Mah bantuk sii-bawi cu aw... ka fapa sining tlawmpal te tal hal nakding caan hmanh a ka pe kho lo" tiah putar pa cu a zaai leen.

Sii-sayama te ahal tikah, sii-sayama nu pakhat nih mitthli tlak bu le ngaihcia ngai-in, " Sii-bawipa a fapa hi nizaan ah mawtaw nih a ttaih i a thi. Na fapa thlop ding ah kan auh lio ahhin a fapa ruak vuinak ah aum lio pi asinain na fapa khamh duhah arak tli. Atu zong na fapa a thlop khawh le cangka a fapa ruak vuinak ah a kal tthan mi tu asi" tiah arak leh. 

Khrih a zumtu u le nau hna, dawtnak cu zeizong vialte, i rem ṭhipṭhep tein a funtomtu cu a si. ( Kolose3:14). Thintawi nih siknak a chuahter, sihmanhsehlaw lungsaunak nih rem lonak a damter. ( Phungthlukbia 15:18). Ka dawtmi u le nau hna, mah hihi philh hlah u: ahohmanh bia theih duhnak leiah cun a khul a rangmi si u law biachimnak lei le thinhunnak lei ah cun a khul a nuarmi si u. (James 1:19). Athazang a dermi le bawmhnak a herh mi kha kan bawmh hna awk asi i, pakhat le pakhat lungsau thinfual in kan um awk asi. ( I Thesalon 5:14).

Bawipa nih thlachuah in pe chin lengmang hna seh.

Comments

Popular posts from this blog

Zohchun Awktlak Khrihfa Innchungkhar

A Sunglawimi Thangthat Awktlak Thluachuak NU

Pathian Kan Sinah A Um