Na chawva kha Bawipa sin ah petuah(Give to God your treasure)

Baibal relnak: .Malachi 3:10-12

Rev. Pa Hrang Hmung
Cheu hra cheu khat cu a dihlak in thawhlawm inn ah rak pu u, cun ka inn chungah cun rawl um seh. Ka hneksak tuah ngat u, van innka cu kan hunpiak hna le hunpiak hna lo; thluachuah vanluhnak cu kan thlethnawh hna le hnawh hna lo zoh tuah ngat u, tiah ralkapbu Bawipa nih a ti. Nan vawlei nih a chuahmi thil a hrawktu hna le nan mitsur ruang car koin a tuahtu hna buṭit khaubawk cu ka kham hna lai i nan lo i mitsur ruang hna cu an thei a sur in an i sur lai, tiah ralkapbu Bawipa nih a ti. Nan ram cu dawtmi ram a si lai caah, miphun vialte nih lunglawmmi an in ti hna lai, tiah ralkapbu Bawipa nih a ti.


          Phaisa vawleicung mi kan nunnak ah a bia pi bik a si i phaisa lo in aho hmanh nun khawh a si lo bantuk in phaisa ruang ah kan nun nak hin a si khawh chung in tunmer i zuam cio a si.Phaisa ruang ah fim nak kan cawng i phaisa ruang ah rian kan tuan.Cu ca ah kan nun nak ah hi tluk in a bia pi ah ruah mi kha kan nih zungzal a nung mi Pathian nung a bia mi nih tha te in kan cawn i kan theih i kan hman a hau.Kan i cawn piak hrim hrim awk zong a si.Cu pin ah phaisa kong ah Pathian nih a  kan cawn piak mi cheuhra cheu khat kong zong hi a si ning tak tak kan theih i kan pek a hau.A phung in ruah i pek sawh sawh kha Pathian duh nak a khen lo ah cun, pak palawng a si fawn.Pathian nih a chim bantuk in kan tuah ah cun thluachuah hmuh nak a si fawn.
            Kan Baibal ah  zumhnak kong hi k hmun 500 ah kan hmuh ,mi dang dawt nak kong hi 370 ah kan hmuh.Thlacam nak kong ah 270 ah hmuh a si i phaisa kong hi  hmun 2000 ah kan hmuh.Kan baibal ca chung hrim hrim ah hin  chawva kong hi tambik in kan hmuh ca ah zumtu hna kan ca ah chawva cung ah kan lung put ning ding zong  biatak te in theih le hngalh le cawn , kan herh tak tak ti kan hmuh.A bik in cheuh hracheu khat  hna le bang ah hin a phung ah kan ruah sawh sawh i zei tin dah pek ning cang le zei tluk in dah a bia pi ti hi kan theih tuk rua lo ka ti, kei mah bantuk hna nan um ve ah cun,
    Pathian nih  zei ruang ah dah nan ka hlen ti mi bia hi  cheuhra cheu khat kong ah hin a  si.A zei dang ah hlen nak kong a chim lo.Nan hrokhrol nakfiang bik in a langh nak cu nan chawva kong ah nan hmuh ning le nan cheuhra cheuklhat nan ka pek ning ah hin a si a ti. A si  minung kan nun nak a bia pi bik ah ruah mi cu chawva hi a si.Chawva ruang ah fim nak kan cawng, rian kan tuan, tei kan ma, kan nun nak dih lak cu chawva ah a si.Cu ca ah Pathian kan  dawt tiah kan ti khawh mi kan langh ter khawh bik mi le Pathian nih a kan theih piak khawh ding mi cu kan chawva in Pathian sin ah zei tin dah kan langh ter ti mi ah hin Pathian nih zei tluk in dah  an ka dawt mi hi a tah ve.

1.Cheuhracheukhat
                Pathian nih chawva kong ah a sia a herh bik mi  cu cheuhra chaeu khat kong hi a si. cheuhra cheu khat kong hi ka hmuh khawh tawk  in langhter ka duh.Cheuhra cheu khat kong ah kan baibal ca zong hi theih fian nak ah a a rak bia pi ngai ka ti mi cu,kan lai baibal hi a tling lo ka ti nak cu a si lo na in, kan theih fian nak ding ah a chambau mi a um ko ka ti.
         Deut 14:22 "Be sure to set a side a tenth of your fields produce each year" Cheuhra cheu khat kong a herh ngai tiah ka hmuh mi cu cheuhracheu khat kha a dang te in na chiah lai ti theng te kha a tel chih.Kan Laibaibal ah a um lo.Chim duh mi cu cheuh hra cheu khat  cu kan hmuh mi hna chung in kan hman hlan bak ah a dang te in then cia bak ding a si ti nak a si.Mi cheu khat cu kan hmuh mi hna kha zei zat a si ti  hmanh tuak lem lo in a tam ah a tlawm ah  kan ruah nak in chiah kan hmang. kan hman thluamah hnu zong ah chiah kan hmang.
         Baibal nih cun kan hman hlan ah a dang te in Pathian ta kha then cia bak ding a si.Phungthluk bia  3:9 Bawipa cu na chawva le thilri theitlai hmasa bik  hna in nan u pat  tuah.Kan chawva in Pathian kha u pa pek hrim hrim ding.kan chawva in Pathian kha zei tluk in dah kan u pat ti langh ter ding cu Baibal nih fiangte in a kan cawn piak.Cu ti a na tuah ah cun na rawl in khat thluamah in an  um lai.Na misur nen nak khor cu misur ruang in a  liam lai.
    Kan cheuhra cheu khat cu kan hman hlei mi in si lo in kan theitlai hmasa bik chung in a si zung zal awk a si.Kan hmuh mi za te in chung in kan pek awk a si.A miak chung lawng in a si awk zong a si fawn lo.

2. Achiah nak ding hmunhma.
      Cheuhra cheu khat chiah nak kong he pehtlai  in kan theih lo ca ah a si men lai ka ti  mi cu mah le ruah nak hmun hma ah chiah kan hmang.Kan duh mi hna zong pumpak in pek kan hmang.Malakhi cabu chung ah cun cheuhra cheu khat cu a dih lak in thawh lawm inn ah nak pu uh, cun ka inn chung ah cun rawl um seh.(Malakhi 3: 10   )
        Thawh lawm inn a um tuning kan zoh ah cun,Isreal mi  hna nih Jesuh chan hlan kum 450 hrawng ah hin an lo chung chuak thlaithei, Olives le olive chitihna le mitsur hnag hna kha biak inn i chiah nak rawl inn ah an chiah tawn hna.Kha an cheuhra cheu khat kha tlangbawi pawl nih a hman nak cu an tawlrel ti a si.Hi nih a fianter mi cu rawl inn a ti mi hi biak inn hrim hrim ah a  si ti nak a si.Na um nak biak inn  cio kha as awh duh bak mi a si.
       Hmunhma i palh sual ah cun le hmun hma lo ah pek sual ah cun thluachuah hmuh cu chim lo Pathian nih cheuhra cheu khat zong in a co hlang hrim hrim lai lo.Zei ca tiah Pathian cu a bia kha pel te hmanh lawnh a  siang lo mi Pathian a si,Hi hmun hma kong ah hinNaman ral bawipa a dam nak kong he khan tah chuh khawh a si.Profet Elisha nih Jordan ti va ah voisarih i hnim ding a fial .Cu lo ah cun  na dam kho lai lo a ti.A si i Naman ralbawi pa nih cun kan ram ah Damaskas tiva hna le pharpa tiva le Abana ti va hna an um ko cu ka ah cun ai hnim in dam khawh a si ve ko lai a ti.A si na in tiva cio cio an si ko zong ah Pathian nih a dam nak ah tiva vialte kha a hman hna lo.Jordam tiva lo ah cun a dam kho lai lo a ti bak.A hnim bak ve a dam ve.Pharpa ti va ,Abanativa le Damaskas hna kha dam nak hmun ah thlauchuah a pek mi a si lo.
      Cu bantuk in cheuhracheu khat cu hmun kip ah chiah khawh a si lo.Pathian nih hmun kip ah chiah uh a ti lo.Pastor pa le Evangelist zong pek ding a si lo.An pek mi hna zong nih lak ding a si lo.Zei ca ah tiah a um lo nak hmun ah a um lo mi cheuhracheu khat cu Pathian ta a si lo bantuk in a bia kam bantuk in thluachuah nak zong a um pek lai lo.

3.Thluachuah hmuhnak a si.
        Pathian nih cheuhracheukhat hi a pek long a  kan fial lo.Rak ka hneksak uh a ti bak.(Malakhi 3:10-12)Kan baibal ca chung ah Pathian cu a ho hmanh nih hneksak phung a si lo ti kan hmuh.A si na in cheuhra cheukhat kong i thluachuah hmuh nak ding ah cun Pathian nih ka hnek sak uh.Thlauchuah kha kan thlet hnawh hna le hnaw hna lo  a ti.Cheuhra cheukhat fel tein a pe mi hna cu thluachuah an hmuh cuah mah ko.Khua ruah har khi a si an ti.A si na in mi cheukhat nih cun kan pek leng mang ko na in zei a hlei lo an ti ve.Na zawt nak he a tlak lo mi si kha zei zat na din zong ah na dam kho lai lo.A pek ning cang a hman lo ah cun thlauchuah hmuh ding in  Pathian nih a co hlang lai lo.Kan chawva in Pathian kan dawt nak le kan u pat nak langhter i a thluachuah in rum cang hna uh sih.Na chawva cu Pathian pe tuah.Na rum lai.

Bawipa nih thlauchuah pe ko seh.Amen.

Comments

Popular posts from this blog

Zohchun Awktlak Khrihfa Innchungkhar

A Sunglawimi Thangthat Awktlak Thluachuak NU