Toidor Nun.
Baibal chirhchan: Matthai 11:28
Reithei le thilrit mi vialte hna ka sin ah ra tuah uh dinhnak kan pek hna lai, ka sehnam kha i bei uh,kei cununnem le mitoidor ka si ca ah ka nawl hi i cawn ve u,cun dinh nak kha nan hmuh lai.
Kan Baibal cangthim mi umtu ning ah hin Jesuh nih a hmuh hmasa bik khua a si mi Khorazin, Besaida le Kapernaum khua hna nih a lung a dongh hna zia.Vancung khua aphaknak ding ah an mah hnanak cun Pathian dantat nak a in mi Sodom khua hmanh kha a zang fah deuh hna lai nak kong kha a chim.Cun kan fim ngai an ti tung i an thil a rit ngai tung ning hna kha a hmuh hna tik ah hi bia hi a cawn piak hna nak hi a si.
Milungnem le toidor nak thinlung a ngei mi hna cu lapar bantuk an si.Lapartawmpi chung ah khan a rit ngai mi lung a si lo ah a zum ngai mi thim kan hlonh hnawh tik ah alangh lo ko in a tuah khawh.Kha hna kha a khuh dih.Cu bantuk in lungnem le toidor thinlung a ngei mi hna cu zei tluk thilhar le lungrei thei nak ,le minih an huat ngai zong ah kha vialte kha langh lo ko in an tuah khawh.Ngaih thiam nak le ruah thiam nak in an khat.Cu bantuk lungput a ngei mi thlarau mi sin ah cunmitam pi an thilri an thumh i tha zang an lak tawn.
Jesuh nih a chimbantuk in"Nan nih nih kei cu saya le Bawipa nan ka ti icu cu ka si tak tak, ca ah nan ka ti a hman ko.Kei nansaya nih nan bawipa nih nan kei kan tawl hna ah cun,Nan nih pa khat le pa khat nankei i tawl ve uh,Nan mah zoh chunh awk ka tuah bantuk khannan mah zong nan tuah ve awk a si.(Johan 13:15)A si ko..Kan thilrit ngan bik hi mi tei duh nak ,mi tang ah um duh lo nak hna hi an si tak tak ko.Cu nih cun kan nun thil a kan rit ter.Kan nun thilrit thumh khawh ding ah Jesuh nawlcawn i kan tuah ding mi cu toidor nak thin lung ngeih mi sii hi thilrit thum i i dinh nak caah sii tha bik a si tiah Jesuh nih a kan cawn piak.
Mathai 5:5( Meek,humble,gentleness) Mi toi a dor mi cu lunglawm mi an va dih.volei ro an co lei.Hi volei roco ti mi cu hmuh khawh le theih khawh mi vawlei chawva hi an si lo.Khrih Jesuh a ngeih nak volei cung pi a ngeih ter.Toidor nak thilung a ngei mi a lung a nem mi hna cu , hawi nih an ngeih khawh lo mi hna ngam nak kha , volei pi pek i a lawm mi nak in, lung lawmhn nak ngan deuh mi an ngei a ti duh nak kha a si.
Thlarau lei in toidor nak thinlung a ngei cu voleitha (nawn) he an i lo.lungput tha lo le ruah nak tha lo ngei mi kan nun cu volei tha lo ah thlaici tuh mi thlai kheu an that hawh lo bantuk in a si.A si na in cu bantuk lungput tha lo volei ah cun toidawr ti mi nawn tha in thlaikheu kha cawm ah cu thei par tha ei khawh le hmuh khawh a si.volei tha ah thlaici tam pi an zun tawn bantuk in toidor nak le lungnem nak thin lung a ngei mi an nun nih thei tha tam pi a zun ter lai.Thiltha lo ah thil tha a chuah pi tawntu cu toidor nak thinlung a ngei kha an si.
Toidor nak thinlung a ngei mi cu mah le mah a tei ko mi thazang a ngei mi an si.Toidor nak thing lug ngeih hi a mengmang in ngeih khawh a si lo.A si na in a herh mi a si ca ah har ngaiko bu in a tuah kho tu cu mit in hmuh hawh lo mi thawn nak he a nung mi an si.
Toidor nak le lungnem nak thinlung a ngei mi cu san an tlaih lo deuh ca ah a si lo.An der deuh ca zong ah a si fawn lo.An thawn ca ah a si.Teitu tu kha an rak si.Toidornak thinlung a ngei mi cu mah le mah a tei hnu ah mi vialte a tei tu an si.
Toidor nak thinglung a ngei mi cu mivialte cung ah dawt nak a ngei ti nak a si.Daihnak a duh zung zaltu a si ti nak a si.Zei bantuk minung dah ka si ti hamnh hngal lo in a duh mi poh a chim a duh mi poh a tuah mihna cung zong ah dawt nak an ngei ca ah toidor te in an nung thiam thiam.A ho poh he hawikawm si kha a duh i , a si khawh chung in mi bawmh kha a thim.Cu ca ah toidor nak a ngei mi cung a thawng mi lung put a ngei mi an si.(strong state of mind)A hmuh tawn mi vialte kha din nak in thil tha tuah kha a duh zung zal.
Jesuh khrih a nawl cawn ding ah le kan thilrit thumh nak ding ah a bia pi mi cu kan nun ah toidor nak le lungnem nak in nun nak nih hin a kan damh ter khawh bik.Toidor le lungnem nak in hi volei hi tei uh sih law vanram mi kan si bantuk in hi volei ah hin vannun ngeih in van lei ah a lan thluamah mi nun kan ngeih khawh nak hnga Pathian nih thluachuah pe ko seh.Amen
Comments
Post a Comment