Vawlei khuazakip ah va kal ulaw miphun kip kha thawngthabia va chim hna u. ||| Mk 16:15 |||

Shrek timi tuu hi khur pakhat chungah kum 6 chung aa thup. Hi tuu hi an hmuh than hnuah tuu hmurmettu nih minute 30 renglo a hmur an hmeh piak mi hi pound 60 a rit. Tu pakhat hi pound 10 tang lawng a rit tawn. Shrek nih hin amah sining nakin a let nga a ritmi hmur kum 6 chung a phor. A ruang cu tuu khaltu sinin a zaam, aa thup caah asi.  Pathian hi tuukhal bantukin a kan vengtu a si, kan herhmi vialte kha a ka pek dih (Salm 23:1). Kannih cu amah ta kan si; a mi kan si i a tuurun kan si (Salm 100:3). Asinain, caan tampi cu Pathian umpi lamhruainak tangah um duhlo in lam kan pial, Pathian sinin kan i thup lengmang. A taktak le a ngaingai ti ahcun Pathian sinin i thuh khawh phung asilo( Salm 139:7-12). Ka sining vialte a theitu cu Pathian lawnglawng hi asi (Salm 139: 1-6; 13-16). Bawipa cu a ṭha; a fekmi a dawtnak cu zungzal in a hmun, zumhawktlak a sinak cu chan vialte tiangin a hmun (Salm 100:5). Hi tluk a thami Pathian, tuukhaltha i tuurun kan simi cu a sunglawi hrinhran ...

A thi lo dingmi minung kan umllo. Pathian aa timi viale zong hi minung an rak si cio caah an thi cio. Sihmanhsehlaw Pathian nih JESUH cu mithi hna sin khan a thawhter ṭhan, thihnak nih amah cu a tlaih peng khawhnak ding zeihmanh a um lo (Lamkaltu 2:24).Cu JESUH cu kannih nih kan biakmi, kan zumhmi Pathian asi. “Amah he kan thih ṭi ahcun, amah he nun zong kan nung ṭi lai. Kan in khawh peng ahcun, a uk zong amah he kan uk ṭi lai. Zumh awk tlak loin kan um hmanh ah, anih cu zumh awk tlaka si ko. ( 2 Timothy 2:11 -13 ). Minung a dingfelmi ahohmanh kan um lo ( Rom 3:10) . Kannih nih, sualnak kan ngei lo, kan ti ahcun kanmah le kanmah kan i hlen a si i kan chungah biatak a um lo. (1 John 1:8). Kan sualnak nih hin Pathian he a kan tthen (Isaiah 59:2) .  Asinain Pathian nih cun zeitluk in dah a kan dawt kha hitihin a langhter: kannih cu misual kan si ko rih lioah hin Khrih cu kan caah a thi. Kannih cu Pathian ral kan rak si, sihmanhsehlaw a Fapa thihnak thawngin a hawi a...

Bible a laifang i  ummi Bible cang hi zeidah asi hnga?  Bible chungah a ngan (chapter 1189) a um. Salm 117 tiang hi 594 asi i, Psalm 119 in Bible a dongh tiangah chapter 594 a um. Psalm 118 a hmai le a hnu ah Bible cacang Dal (Chapter) 594 veve an um. 594 voi 2 fonh cu 1888 si. Salm 118:8 hi Bible a laifang bak asi. " Minung i bochan nakcun Bawipa i bochan cu a ṭha deuh" Bawipa i bochan cu a ttha. Ziah ti ahcun Bawipa nawlbia cu an hman i an ding. Bible Cauk chung i Dal saubik asimi Salm 119 cang 137-138 ah " Bawipa, nang cu na ding i na nawlbia zong a ding. Nangmah pekmi nawlbia cu an hmaan i an ding" tiah aa tial. Bochan awktlak Bawipa le a biakam, a nawlbia hna cu aa thleng ballo.   Keimah cu i thleng loin Bawipa ka si (Malakhi 3:6) tiah Bawipa nih ati. Jesuh Khrih cu nizan le nihin le zungzal in amah ning a si ko. (Hebru 13:8) Bawipa cu Bochan Ko Usih.